ຕາມຂ່າວCRI: ຕອນບ່າຍວັນທີ 4 ກັນຍານີ້, ກອງປະຊຸມຫາລືລະຫວ່າງສະພາອຸດສາຫະກຳການຄ້າ-ຜູ້ນຳປະເທດບຣິກສ໌ໄດ້ຈັດຂຶ້ນຢູ່ເມືອງເຊ້ຍເຫມິນແຂວງຟູຈ້ຽນຂອງຈີນ ໄດ້ກ້າວມາສູ່ການລົງທຶນໃນສັນຍາຮ່ວມມື 4 ສະບັບຄື: "ແຜນການຮ່ວມມືດ້ານເສດຖະກິດການຄ້າ" "ແຜນການຮ່ວມມືປະດິດສ້າງໃໝ່" "ຂອບຍຸດທະສາດການຮ່ວມມືດ່ານພາສີ" ແລະ "ບົດບັນທຶກຄວາມເຂົ້າໃຈວ່າດ້ວຍການຮ່ວມມືຍຸດທະສາດລະຫວ່າງສະພາອຸດສາຫະກຳການຄ້າບຣິກສ໌ແລະທະນາຄານພັດທະນາໃໝ່" ໂດຍຜູ້ນຳ 5 ປະເທດບຣິກສ໌ຮ່ວມເປັນສັກຂີພິຍານ.
ທ່ານ ສີຈິ້ນຜິງ ປະທານປະເທດຈີນກ່າວວ່າ: ຫວັງວ່າສະພາອຸດສາຫະກຳການຄ້າແລະທະນາຄານພັດທະນາໃໝ່ຈະນຳພາວົງການອຸດສາຫະກຳການຄ້າແລະທະນາຄານຂອງບັນດາປະເທດບຣິກສ໌ຜັນຂະຫຍາຍຄວາມເປັນເອກະພາບຂອງຜູ້ນຳມາສູ່ການປະຕິບັດຕົວຈິງເພື່ອບັນລຸການພັດທະນາຮ່ວມ.
ຜູ້ນຳປະເທດບຣິກສ໌ທ່ານອື່ນໆກໍໄດ້ເຫັນດີຕໍ່ວຽກງານຂອງສະພາອຸດສາຫະກຳການຄ້າແລະທະນາຄານພັດທະນາໃໝ່ເປັນຢ່າງສູງທັງກ່າວດ້ວຍຄວາມເຊື່ອໝັ້ນວ່າສອງອົງການດັ່ງກ່າວຈະປະກອບສ່ວນໃຫ້ແກ່ການຮ່ວມມືລະຫວ່າງປະເທດບຣິກສ໌ແລະຊຸກຍູ້ການພັດທະນາຂອງປະເທດບຣິກສ໌ຢ່າງໃຫຍ່ຫຼວງກວ່າເກົ່າ.