ວັນທີ 5 ກັນຍານີ້, ຕຳຫຼວດສະຫະລັດແລະອົງການໄອຍະການເບຣຊິນໄດ້ຮຽກຮ້ອງໃຫ້ທ່ານກາໂລສ໌ ນຸສມານປະທານຄະນະກຳມະການໂອລິມປິກເບຣຊິນ ທັງເປັນປະທານຄະນະກຳມະການຈັດໂອລິມປິກຣີໂອເດີຈາເນໂລໄປໃຫ້ປາກຄຳຢູ່ສຳນັກງານໃຫຍ່ຕຳຫຼວດສະຫະລັດ ເນື່ອງຈາກຖືກສົງໄສວ່າທ່ານອາດມີສ່ວນຮ່ວມໃຫ້ສິນບົນໃນໄລຍະຮ້ອງຂໍເປັນເຈົ້າພາບຈັດງານໂອລິມປິກຢູ່ຣີໂອ.
ຖ້າວ່າອົງການຕຸລາການເບຣຊິນຕັດສິນມີການຜິດ, ໜັງສືຜ່ານແດນຂອງທ່ານນູສມານອາດຈະຖືກຍຶດ ເນື່ອງຈາກໃນໄລຍະສືບສວນມີຄວາມເປັນໄປໄດ້ວ່າທ່ານໃຫ້ສິນບົນແກ່ສະມາຊິກຄະນະກຳມະການໂອລິມປິກສາກົນ ໂດຍທ່ານອາດຈະເປັນຄົນກາງຜູ້ໃຫ້ສິນບົນກັບຜູ້ຮັບສິນບົນ. ອົງການໄອຍະການເບຣຊິນຍັງຮຽກຮ້ອງໃຫ້ອາຍັດຊັບສິນທີ່ມີມູນຄ່າ 320 ລ້ານໂດລາຂອງທ່ານແລະວິສາຫະກິດທີ່ພົວພັນເຖິງຄະດີດັ່ງກ່າວ.