ເພື່ອຊຸກຍູ້ການພັດທະນາຕະຫຼາດທ່ອງທ່ຽວທາງອອນໄລ, ຍົກສູງລະດັບການແລກປ່ຽນແລະບໍລິການຂໍ້ມູນຂ່າວສານ ແລະດຶງດູດນັກທ່ອງທ່ຽວຈີນທີ່ມີທ່າຂະຫຍາຍເພີ່ມຂຶ້ນຢ່າງວ່ອງໄວນັ້ນ, ອົງການທ່ອງທ່ຽວແຫ່ງຊາດໄທໄດ້ເປີດຊື່ວີແຊດ Visit Thailand ຢ່າງເປັນທາງການໃນວັນທີ 5 ກັນຍານີ້ ເພື່ອບໍລິການຂໍ້ມູນຂ່າວສານການທ່ອງທ່ຽວແລະຂໍ້ມູນຂ່າວສານພາສາຈີນຢ່າງທັນການໃຫ້ແກ່ນັກທ່ອງທ່ຽວຈີນ.
ຮອງປະທານອົງການທ່ອງທ່ຽວແຫ່ງຊາດໄທກ່າວໃນງານຖະແຫຼງຂ່າວເມື່ອວັນທີ 5 ກັນຍານີ້ວ່າ: ວີແຊດດັ່ງກ່າວ ຈະເຮັດໃຫ້ນັກທ່ອງທ່ຽວຈີນສາມາດຊອກຮູ້ໄດ້ຢ່າງງ່າຍດາຍວ່າ, ຢູ່ໄທມີອາຫານແຊບແລະມີສະຖານທີ່ທ່ອງທ່ຽວຫຍັງແດ່? ໝາຍຄວາມວ່າ, ທົ່ວປະເທດໄທໄດ້ຢູ່ໃນໂທລະສັບມືຖື. ສ່ວນບັນຫາຂອງນັກທ່ອງທ່ຽວ ກໍຈະສ່ອງແສງໃຫ້ເຫັນເຖິງຄວາມຕ້ອງການແລະຄວາມມັກຂອງພວກເຂົາ ເຊິ່ງຈະເຮັດໃຫ້ພວກເຮົາຊອກຮູ້ຄວາມມັກຂອງນັກທ່ອງທ່ຽວຈີນໄດ້ດີກວ່າເກົ່າ.