ເທດສະການກິລາສາກົນ "ໜຶ່ງແລວທາງໜຶ່ງເສັ້ນທາງ" ຄັ້ງທຳອິດ ໄດ້ຈັດຂຶ້ນຢູ່ນະຄອນຫຼວງປັກກິ່ງຫວ່າງມໍ່ໆນີ້, ຂະນະທີ່ຜູ້ຮັບຜິດຊອບຄະນະຈັດຕັ້ງໃຫ້ຮູ້ວ່າ, ທຸກປີຈະຈັດເທດສະການກິລາສາກົນຢູ່ຕົວເມືອງສຳຄັນຕ່າງໆລຽບຕາມ "ໜຶ່ງແລວທາງໜຶ່ງເສັ້ນທາງ" ຂອງຈີນ ແລະຈະຈັດຮ່ວມກັບ 2-4 ປະເທດລຽບຕາມເສັ້ນທາງ, ແຕ່ລະບ່ອນຈະຈັດແຕ່ 3-30 ມື້. ສຳລັບປີນີ້ ຈະຈັດຂຶ້ນຢູ່ປັກກິ່ງ, ຊວນໂຈ່ວ ແລະຊີ່ອ່ານ ທັໂດຍຈະມີເວທີປຶກສາຫາລືການຮ່ວມມືກິລາສາກົນ, ງານບັນເທີງກິລາ ແລະກິດຈະກຳອື່ນໆ.
ເທດສະການກິລາສາກົນ "ໜຶ່ງແລວທາງໜຶ່ງເສັ້ນທາງ" ຈັດຂຶ້ນໂດຍສູນການຮ່ວມມືສາກົນຂອງຄະນະກຳມະການພັດທະນາແລະປະຕິຮູບແຫ່ງລັດຈີນ ແລະ ບໍລິສັດຫຸ້ນສ່ວນຂະແໜງການກິລາຕິງຊິ້ນປັກກິ່ງຈຳກັດ ແມ່ນກິດຈະກຳຫົວຂໍ້ກິລາຂະໜາດໃຫຍ່ທີ່ມີລັກສະນະສາກົນ, ວິຊາສະເພາະ, ຫົວຄິດປະດິດສ້າງ, ເປີດປະຕູ ແລະຫັນເປັນຕະຫຼາດ, ສ່ວນຄັ້ງທຳອິດປະກອບມີ 4 ກິດຈະກຳຄື: ເວທີປຶກສາຫາລືການຮ່ວມມືກິລາສາກົນ, ກອງປະຊຸມກິລາເຍົາວະຊົນເບ້ຍຄຳ, ງານບັນເທີງກິລາ ແລະການສຳຫຼວດການຄ້າກັບການສ້າງຊັບພະຍາກອນມະນຸດ.
 |
