ລັດຖະບານມຽນມາໄດ້ອອກແຈ້ງການເຕືອນເຫດການກໍ່ການຮ້າຍໃນວັນທີ 6 ກັນຍານີ້ ໂດຍມີເນື້ອໃນວ່າ: ລັດຖະບານໄດ້ຮັບຂ່າວວ່າ ກຸ່ມກໍ່ການຮ້າຍໝາຍຈະກໍ່ເຫດລະເບີດຢູ່ຕົວເມືອງໃຫຍ່ ເປັນຕົ້ນ ນະຄອນຫຼວງເນປີດໍ, ນະຄອນຢາງກຸ້ງ ແລະ ເມືອງມັນດາເລ.
ແຈ້ງການລະບຸ ໂດຍມີຂ່າວບອກວ່າ, ກຸ່ມກໍ່ການຮ້າຍຈຳນວນໜຶ່ງໝາຍກໍ່ເຫດລະເບີດຢູ່ຕົວເມືອງໃຫຍ່ ເປັນຕົ້ນ ນະຄອນຫຼວງເນປີດໍ, ນະຄອນຢາງກຸ້ງ ແລະ ເມືອງມັນດາເລ ເພື່ອດຶງສາຍຕາຂອງໂລກ. ແນວໃດກໍດີ ໃນປັດຈຸບັນ, ບັນດາອົງການຮັກສາຄວາມໝັ້ນຄົງຂອງລັດຖະບານພວມນຳໃຊ້ມາດຕະການ ປົກປັກຮັກສາຄວາມໝັ້ນຄົງ ແລະ ສະຖຽນລະພາບ ທັງຊ່ວຍເຫຼືອສຸກເສີນປະຊາຊົນຜູ້ຍົກຍ້າຍເພື່ອປົບເຫດການກໍ່ການຮ້າຍ.
ຂະນະດຽວກັນ, ໃນແຈ້ງການຍັງໄດ້ຮຽກຮ້ອງໃຫ້ປະຊາຊົນຈົ່ງມີສະຕິລະວັງຕົວ ຖ້າພົບສະພາບທີ່ໜ້າສົງໄສ ກໍໃຫ້ລາຍງານຕໍ່ອົງການຮັກສາຄວາມໝັ້ນຄົງຢ່າງທັນການ.