ວັນທີ 6 ກັນຍານີ້, ສຳນັກຂ່າວສານອິສລາມຂອງອີຣານໄດ້ລາຍງານໂດຍອ້າງຕາມການເປີດເຜີຍຂອງທ່ານ ໂມຮຳມັດ ຈາວັດ ຈາຣິຟ ລັດຖະມົນຕີກະຊວງການຕ່າງປະເທດອີຣານວ່າ: ຖ້າອາຣັບບີ ຊາອຸດິດປາຖະໜາ, ອີຣານກໍກຽມພ້ອມຈະປັບປຸງສາຍພົວພັນລະຫວ່າງສອງປະເທດໃຫ້ດີຂຶ້ນ.
ທ່ານ ຈາຣິຟ ໄດ້ເນັ້ນເຖິງບັນຫາຊີຣີວ່າ: ກອງທັບຊີຣີສາມາດທຳລາຍຖານທີ່ໝັ້ນຂອງກຸ່ມຫົວຮຸນແຮງ IS ຢູ່ເດວອິສ໌ໂຈປະສົບຜົນສຳເລັດນັ້ນແມ່ນໄຊຊະນະທີ່ສຳຄັນແລະໃຫຍ່ຫຼວງ. ແລະຈາກຄວາມພະຍາຍາມຮ່ວມມືຂອງບັນດາປະເທດທີ່ກ່ຽວຂ້ອງ, ການແກ້ໄຂບັນຫາຊີຣີທາງການເມືອງກໍໄດ້ກາຍເປັນໂອກາດທີ່ດີ.
ທ່ານກ່າວຢ້ຳວ່າ: ອີຣານຄັດຄ້ານການແກ້ໄຂບັນຫາຊີຣີດ້ວຍກຳລັງອາວຸດແລະອະນາຄົດກໍຄືຊະຕາກຳຂອງຊີຣີຄວນຕັດສິນໂດຍປະຊາຊົນປະເທດດັ່ງກ່າວເອງ, "ພວກເຮົາບໍ່ຄວນບອກປະຊາຊົນຊີຣີຄວນເຮັດຫຍັງ. ພວກເຮົາຕໍ່ຕ້ານລັດທິຫົວຮຸນແຮງ,ແຕ່ນີ້ເປັນຕົ້ນໄປ,ພວກເຮົາຄວນປູທາງໃຫ້ແກ່ການບັນລຸການເຈລະຈາລະຫວ່າງບັນດາຝ່າຍຂອງຊີຣີ".
 |
