ກອງປະຊຸມລັດຖະມົນຕີສາທາລະນະສຸກຈີນ-ອາຊຽນຄັ້ງທີ 6 ແລະຈີນ, ຍີ່ປຸ່ນ, ສ ເກົາຫຼີ-ອາຊຽນຄັ້ງທີ 7 ໄດ້ໄຂຂຶ້ນຢູ່ນະຄອນຫຼວງບັນດາເຊລີເບກາວັນປະເທດບຣູໄນໃນວັນທີ 7 ກັນຍານີ້ ແລະຫຼັງກອງປະຊຸມກໍໄດ້ອອກຖະແຫຼງການຮ່ວມ.
ໂອກາດດັ່ງກ່າວ, ຈີນຊີ້ໃຫ້ເຫັນວ່າ, ອາຊຽນແມ່ນພາກພື້ນສຳຄັນຂອງການສ້າງ "ໜຶ່ງແລວທາງໜຶ່ງເສັ້ນທາງ", ຝ່າຍຕົນຍິນດີສືບຕໍ່ເພີ່ມທະວີການເຊື່ອມຕໍ່ ຮ່ວມມືດ້ານສາທາລະນະສຸກ "ໜຶ່ງແລວທາງໜຶ່ງເສັ້ນທາງ" ກັບອາຊຽນ ແລະປົກປັກຮັກສາຄວາມສຸກດ້ານສຸຂະພາບຂອງປະຊາຊົນທ້ອງຖິ່ນ.
ໃນກອງປະຊຸມລັດຖະມົນຕີສາທາລະນະສຸກຈີນ, ຍີ່ປຸ່ນ, ສ ເກົາຫຼີ-ອາຊຽນຄັ້ງທີ 7 ນັ້ນ, ທ່ານ ວາງເຮີ້ເຊີ້ງ ຫົວໜ້າປະທານຄະນະກຳມະການສາທາລະນະສຸກແລະວາງແຜນຄອບຄົວແຫ່ງລັດຈີນ, ຫົວໜ້າຄະນະຜູ້ແທນຈີນ ກ່າວວ່າ, ປະເທດຕົນຈະນຳໃຊ້ເວທີການຮ່ວມມືດັ່ງກ່າວ ຮ່ວມມືກັບອາຊຽນ, ຍີ່ປຸ່ນ ແລະສ.ເກົາຫຼີ ໃນ 11 ຂົງເຂດສຳຄັນ ເປັນຕົ້ນ: ສຸຂະພາບທົ່ວປວງຊົນ, ການປິ່ນປົວທາງໄກ, ການຊ່ວຍເຫຼືອຫຼັງໄພພິບັດກະທັນຫັນ ແລະອື່ນໆ.