ທ່ານເຢຣາ ໂຄລົມ ລັດຖະມົນຕີກະຊວງພາຍໃນຝຣັ່ງເປີດເຜີຍໃນວັນທີ 8 ກັນຍານີ້ວ່າ: ປີນີ້, ຝຣັ່ງໄດ້ປະສົບຜົນສຳເລັດໃນການສະກັດກັ້ນການໂຈມຕີກໍ່ການຮ້າຍ 11 ຄັ້ງ ເຊິ່ງສ່ອງແສງໃຫ້ເຫັນວ່າສະຖານະການຕ້ານການກໍ່ການຮ້າຍຂອງຝຣັ່ງຍັງຂ້ຽວຂາດຫຼາຍ.
ໂອກາດເຂົ້າຮ່ວມພິທີສາບານຕົວຂຶ້ນຮັບຕຳແໜ່ງຂອງຫົວໜ້າກົມຮັກສາຄວາມໝັ້ນຄົງພາຍໃນຝຣັ່ງຄົນໃໝ່, ທ່ານໂຄລົມໄດ້ຮຽກຮ້ອງໃຫ້ຮັກສາສະຕິລະວັງຕົວຕໍ່ເຫດການໂຈມຕີກໍ່ການຮ້າຍໂດຍກ່າວວ່າ: ມັນເດັ່ນຊັດແລ້ວວ່າ: ເຫດການໂຈມຕີແບບກໍ່ການຮ້າຍທີ່ໄດ້ເກີດຂຶ້ນຢູ່ເມືອງບາເຊໂລນາBarcelonaປະເທດແອັສປາຍໃນກ່ອນໜ້ານີ້ກໍອາດຈະເກີດຂຶ້ນຢູ່ຝຣັ່ງໃນຕໍ່ໜ້າເຊັ່ນກັນ.
ວັນທີ 17 ສິງຫາຜ່ານມາ, ຢູ່ເມືອງບາເຊໂລນາປະເທດແອັສປາຍໄດ້ເກີດເຫດຜູ້ໂຈມຕີຂັບລົດໃຫຍ່ຕ່ຳຄົນ ເຊິ່ງເປັນເຫດເຮັດໃຫ້ມີຜູ້ເສຍຊີວິດ 10 ກວ່າຄົນ, ຮ້ອຍກວ່າຄົນບາດເຈັບ.
ໃນໄລຍະນີ້, ເຈົ້າໜ້າທີ່ຕຳຫຼວດຝຣັ່ງສາມາດຍຶດໄດ້ເຄື່ອງອັນຕະລາຍທີ່ສາມາດນຳໃຊ້ໃນການກໍ່ເຫດໂຈມຕີກໍ່ການຮ້າຍນັ້ນຢູ່ນະຄອນຫຼວງປາຣີ ເຊິ່ງເຫັນໄດ້ຈາກວັນທີ 6 ກັນຍານີ້, ເຈົ້າໜ້າທີ່ຕຳຫຼວດໄດ້ພົບເຄື່ອງຂອງທີ່ສາມາດໃຊ້ໃນການຜະລິດເຄື່ອງລະເບີດເປັນຕົ້ນຖັງແກັສ,ສາຍໄຟຟ້າ,ປ່ຽງເຫຼັກແດງແລະອື່ນໆຢູ່ໃນເຮືອນອັບພັດເມນຫ້ອງໜຶ່ງໃນແຂວງວານ ເດມາແອນ ຊານເມືອງພາກຕາເວັນອອກສຽງໃຕ້ນະຄອນຫຼວງປາຣີ. ເດືອນສິງຫາຜ່ານມາ, ເຈົ້າໜ້າທີ່ຕຳຫຼວດສາມາດຍຶດໄດ້ຈະຫຼວດຕ້ານລົດຕັງແລະເຄື່ອງອັນຕະລາຍອື່ນໆຢູ່ສາງລົດຖີບແຫ່ງໜຶ່ງຂອງແຂວງໄຊເນ ແຊນເດນີ ຊານເມືອງພາກເໜືອນະຄອນຫຼວງປາຣີ.