ມະຫະກຳກິລາແຫ່ງຊາດຈີນຄັ້ງທີ 13 ໄດ້ຈັດພິທີປິດງານຢູ່ຫໍກິລາທ່ຽນສິນໃນຕອນຄ່ຳວັນທີ 8 ກັນຍານີ້ ໂດຍທ່ານຫຼີເຄິ້ຊຽງ ນາຍົກລັດຖະມົນຕີຈີນໄດ້ເຂົ້າຮ່ວມພິທີດັ່ງກ່າວແລະປະກາດປິດມະຫະກຳຄັ້ງນີ້. ເພື່ອບັນລຸຄວາມຝັນຈີນທີ່ເປັນ "ປະເທດເຂັ້ມແຂງດ້ານກິລາ", ມະຫະກຳຄັ້ງນີ້ໄດ້ປະຕິຮູບຫຼາຍຢ່າງ, ບໍ່ວ່າໃນຂົງເຂດກິລາແຂ່ງຂັນ, ຫຼືວ່າຂົງເຂດກິລາປະຊາຊົນ, ມະຫະກຳຄັ້ງນີ້ລ້ວນແຕ່ໄດ້ມີການປະຕິຮູບຫຼາຍຢ່າງ ເຊິ່ງເປັນຂໍ້ຄິດທີ່ດີສຳລັບການພັດທະນາກິລາຂອງຈີນໃນອະນາຄົດ.
ມະຫະກຳກິລາຄັ້ງນີ້ດຳເນີນເປັນເວລາ 12 ວັນ ເຊິ່ງມີນັກກິລາເກືອບໝື່ນຄົນຈາກ 38 ຄະນະຜູ້ແທນເຂົ້າຮ່ວມການແຂ່ງຂັນ ລວມທັງດາລາກິລາທີ່ດີເດັ່ນທີ່ສຸດຂອງຈີນ ເຊັ່ນ ທ້າວຊຸ່ນຢ໋າງ ແຊ໋ມໂອລິມປິກ ແລະອື່ນໆກໍໄດ້ມາເຂົ້າຮ່ວມງານ ແລະຊີງໄດ້ຫຼຽນຄຳ. ນັກກິລາຍັງໄດ້ທຳລາຍສະຖິຕິໂລກ 4 ລາຍ ແລະສະຖິຕິອາຊີ 3 ລາຍ. ມະຫະກຳຄັ້ງນີ້ຍັງໄດ້ເຊີນນັກກິລາຊາວຈີນຕ່າງດ້າວ 9 ຄົນມາເຂົ້າຮ່ວມການແຂ່ງຂັນ.
ມະຫະກຳກິລາຈີນຄັ້ງທີ 14 ຈະຈັດຂຶ້ນຢູ່ແຂວງສ້ານຊີ່ເມື່ອປີ 2021.
 |
