ໃນງານແລກປ່ຽນຊຸກຍູ້ການຮ່ວມມືດ້ານວິຊາທໍລະນີສາດຈີນ-ອາຣັບທີ່ຈັດຂຶ້ນໃນວັນທີ 9 ກັນຍານີ້, ໄດ້ຈັດພິທີເປີດປ້າຍສູນຄົ້ນຄວ້າທໍລະນີສາດຈີນ-ອາຣັບຮ່ວມກັນຂອງອົງການສຳຫຼວດທໍລະນີຈີນ. ທ່ານໄປຊິ່ງປີ້ ຮອງຫົວໜ້າກົມວິທະຍາສາດເຕັກນິກແລະການຮ່ວມມືສາກົນຂອງກະຊວງຊັບພະຍາກອນດິນແດນແຫ່ງຊາດຈີນກ່າວວ່າ, ຈີນແລະປະເທດອາຣັບແມ່ນຄູ່ຮ່ວມມືສຳຄັນໃນການສ້າງສາ "ໜຶ່ງແລວທາງໜື່ງເສັ້ນທາງ", ຕໍ່ໄປ ພາກສ່ວນທີ່ກ່ຽວຂ້ອງສາມາດເຂົ້າຮ່ວມໂຄງການຮ່ວມມືດ້ານວິທະຍາສາດເຕັກໂນໂລຊີຈີນ-ອາຣັບໂດຍອາໄສສູນຄົ້ນຄວ້າດັ່ງກ່າວ, ຮ່ວມກັນເພີ່ມທະວີການແລກປ່ຽນໃນດ້ານມາດຕະຖານເຕັກນິກ, ຂໍ້ມູນດ້ານທໍລະນີສາດ ແລະອື່ນໆ, ເພື່ອຍົກລະດັບເຕັກນິກໃຫ້ສູງຂຶ້ນພ້ອມກັນ.
ໃນຫຼາຍປີມານີ້, ຈີນແລະອາຣັບໄດ້ດຳເນີນການຮ່ວມມືທີ່ມີປະສິດທິຜົນຫຼາຍໃນຂົງເຂດສຳຫຼວດທໍລະນີສາດແລະທໍລະນີ, ອົງການສຳຫຼວດທໍລະນີຈີນແລະພາກສ່ວນທີ່ກ່ຽວຂ້ອງຂອງປະເທດອາຣັບໄດ້ລົງນາມໃນບົດບັນທຶກຄວາມເຂົ້າໃຈການຮ່ວມມືແລະສັນຍາຮ່ວມມື 9 ສະບັບ, ຈັດຕັ້ງປະຕິບັດ 7 ໂຄງການຮ່ວມມື, ດຳເນີນການຄົ້ນຄວ້າແລະຮ່ວມມືໃນຂົງເຂດຕ່າງໆເຊັ່ນ ທໍລະນີສາດພື້ນຖານ, ແຜນທີ່ທໍລະນິ, ສຳຫຼວດຊັບພະຍາກອນນ້ຳໃຕ້ດິນ ແລະອື່ນໆ.
 |
