ສປຊ ກ່າວວ່າໃນສອງອາທິດຜ່ານມາມີຊາວໂຣຮີງຢາປະມານ 2 ແສນ 7 ໝື່ນຄົນອົບພະຍົບໄປບັງກະລາເດັດ

ອົງການສະຫະປະຊາຊາດເພື່ອຊາວອົບພະຍົບເປີດເຜີຍໃນວັນທີ 8 ກັນຍານີ້ວ່າ, ໃນສອງອາທິດຜ່ານມານີ້, ມີຊາວອົບພະຍົບໂຣຮີງຢາປະມານ 2 ແສນ 7 ໝື່ນຄົນທີ່ອາໄສຢູ່ມຽນມາໄດ້ຍ້າຍໄປບັງກະລາເດັດເພື່ອຫຼີກໄພ.

ອົງການສະຫະປະຊາຊາດເພື່ອຊາວອົບພະຍົບກ່າວວ່າ, ຄ້າຍຊາວອົບພະຍົບສອງແຫ່ງທີ່ຕັ້ງຢູ່ພາກຕາເວັນອອກສຽງໃຕ້ຂອງບັງກະລາເດັດໄດ້ມີ 3 ໝື່ນ 4 ພັນຄົນອາໄສຢູ່ແລ້ວໃນເມື່ອກ່ອນ, ໃນເວລາສອງອາທິດຜ່ານມາ, ຈຳນວນຊາວອົບພະຍົບໄດ້ເພີ່ມຂຶ້ນຫຼາຍກວ່າໜຶ່ງເທົ່າ, ປັດຈຸບັນຍອດຈຳນວນຊາວອົບພະຍົບຫຼາຍກວ່າ 7 ໝື່ນຄົນ.

ອົງການສະຫະປະຊາຊາດເພື່ອຊາວອົບພະຍົບຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຈົ່ງເຄື່ອນໄຫວຂຶ້ນຢ່າງສຸກເສີນ, ເພື່ອແກ້ໄຂບັນຫາທີ່ເຮັດໃຫ້ຊາວອົບພະຍົບເຂົ້າບັງກະລາເດັດຢ່າງຫຼວງຫຼາຍໃນຫວ່າງມໍ່ໆນີ້, ເຮັດໃຫ້ຊາວອົບພະຍົບບໍ່ຕ້ອງໜີຈາກບ້ານເກີດຂອງຕົນ, ແລະສາມາດກັບຄືນສູ່ບ້ານເກີດຢ່າງປອດໄພແລະມີກຽດສັກສີໃນສຸດທ້າຍ.

ລັດຍະໄຂ່ຂອງມຽນມາໄດ້ເກີດເຫດການໂຈມຕີແບບກໍ່ການຮ້າຍຫຼາຍເທື່ອເລີ່ມແຕ່ວັນທີ 25 ສິງຫາຜ່ານມາ, ເຮັດໃຫ້ຢ່າງໜ້ອຍຫຼາຍກວ່າຮ້ອຍຄົນເສຍຊີວິດ. ສະຖານະການທີ່ປັ່ນປ່ວນເຮັດໃຫ້ຊາວໂຣຮີງຢາອົບພະຍົບໄປບັງກະລາເດັດຢ່າງຫຼວງຫຼາຍ.