ກອງປະຊຸມເວທີປຶກສາຫາລືລະຫວ່າງເຈົ້າເມືອງຈີນ-ອາຊຽນ 2017 ໄດ້ຈັດຂຶ້ນຢູ່ເມືອງນານນິງເຂດກວາງຊີ ສປ ຈີນໃນວັນທີ 9 ກັນຍານີ້, ໂດຍມີແຂກຮັບເຊີນ 300 ທ່ານຈາກເກືອບ 100 ເມືອງຂອງຈີນແລະອາຊຽນເຂົ້າຮ່ວມແລະ, "ຕົວເມືອງທັນສະໄໝຮອບດ້ານ" ໄດ້ກາຍເປັນຫົວຂໍ້ຈຸດສຸມຂອງເວທີປຶກສາຫາລືຄັ້ງນີ້.
ທ່ານລຽງໄຫມິງ ຫົວໜ້າສະຖາບັນຄົ້ນຄວ້າຄັງປັນຍາເສັ້ນທາງສາຍໄໝຈີນກ່າວວ່າ, ມາຮອດທ້າຍປີ 2016, ຈີນມີຕົວເມືອງທັນສະໄໝຮອບດ້ານ 277 ເມືອງແລະຈຸດທົດລອງ ໃໝ່ 3 ຕົວເມືອງ, ຂະນະທີ່ຈຳນວນແລະຂະໜາດຂອງຕົວເມືອງທັນສະໄໝຮອບດ້ານລ້ວນແຕ່ເປັນອັນດັບທີໜຶ່ງໃນໂລກ.
ທ່ານກອນ ທັບພະລັງສີ ອະດີດຮອງນາຍົກລັດຖະມົນຕີໄທທັງເປັນປະທານສະມາຄົມມິດຕະພາບໄທຈີນກ່າວວ່າ, ອາລີເພແລະການຊຳລະເງິນດ້ວຍ wechat ຂອງຈີນໄດ້ເລີ່ມນຳໃຊ້ໃນບາງຕົວເມືອງທ່ອງທ່ຽວຂອງໄທແລ້ວ, ແລະກາຍເປັນແບບຢ່າງຂອງການຮ່ວມມືໃນຂະແໜງການປັນຍາລະຫວ່າງຈີນ-ອາຊຽນໃນອະນາຄົດ, ທັງຈະເສີມຂະຫຍາຍບົດບາດສຳຄັນໃນການຮ່ວມມືລະຫວ່າງຈີນແລະໄທໃນການທ່ອງທ່ຽວ.
ທ່ານນຸນ ພະຣັສ ຮອງເຈົ້າເມືອງພະນົມເປັນປະເທດກຳປູເຈຍກ່າວວ່າ, ປະເທດຕົນຫວັງ ເພີ່ມທະວີການຮ່ວມມືກັບຈີນໃນຂົງເຂດເຕັກນິກວິທະຍາສາດທາງສະມາດໃນອະນາຄົດ, ເພື່ອເລັ່ງບັນລຸໃຫ້ຕົວເມືອງກຳປູເຈຍກ້າວສູ່ການເປັນເມືອງສາມາດ.
 |
