ທ່ານນາງຫຼິວຢຽນຕຸ່ງ ຮອງນາຍົກລັດຖະມົນຕີຈີນໄດ້ພົບປະກັບອະທິການບໍດີຈີນແລະຕ່າງປະເທດທີ່ເຂົ້າຮ່ວມຖອດຖອນບົດຮຽນລະຫວ່າງອະທິການບໍດີໂຮງຮຽນດົນຕີໂລກຢູ່ນະຄອນຫຼວງປັກກິ່ງ ສປ ຈີນໃນວັນທີ 11 ກັນຍານີ້.
ທ່ານນາງຫຼິວຢຽນຕຸ່ງ ຊີ້ໃຫ້ເຫັນວ່າ, ດົນຕີແມ່ນເຄື່ອງມືວັດທະນະທຳຂອງມະນຸດ. ການທີ່ຊຸກຍູ້ການແລກປ່ຽນໃນຂົງເຂດດົນຕີລະຫວ່າງປະເທດຕ່າງໆແມ່ນສ່ວນປະກອບສຳຄັນທີ່ລົງເລິກການແລກປ່ຽນວັດທະນະທຳຂອງປະເທດຕ່າງໆ. ຫວັງວ່າໂຮງຮຽນແລະສະຖາບັນສຶກສາດົນຕີຈີນແລະຕ່າງປະເທດຈະເພີ່ມທະວີການຮ່ວມມືຕື່ມອີກ, ໂດຍການຄົ້ນຄວ້າຮູບແບບໃໝ່ທີ່ອົບຮົມຜູ້ດີເດັ່ນດ້ານດົນຕີ, ຄົ້ນຄວ້າແລະແຜ່ຂະຫຍາຍດົນຕີ, ຮ່ວມກັນຊຸກຍູ້ການສຶກສາດົນຕີຂອງໂລກກ້າວຂຶ້ນສູ່ລະດັບໃໝ່, ປະກອບສ່ວນເຮັດໃຫ້ວັດທະນະທຳຂອງມະນຸດຢູ່ຮ່ວມກັນຢ່າງກົມກຽວແລະການພັດທະນາສັນຕິພາບຂອງໂລກຫຼາຍກວ່າເກົ່າ.
ໃນການຖອດຖອນບົດຮຽນເທື່ອນີ້ມີອະທິການບໍດີ 35 ທ່ານຈາກໂຮງຮຽນດົນຕີທີ່ມີຊື່ສຽງ 35 ແຫ່ງໃນ 15 ປະເທດເຂົ້າຮ່ວມ.
 |
