ເວທີປຶກສາຫາລືການສົ່ງເສີມການຈໍລະຈອນສິນຄ້າສົດແລະແຊ່ເຢັນຕາມທາງທິດໃຕ້ຄັ້ງທຳອິດຂອງງານວາງສະແດງສິນຄ້າຈີນ-ອາຊຽນ ໄດ້ຈັດຂຶ້ນຢູ່ເມືອງນານນິງເຂດກວາງຊີ ສປ ຈີນໃນວັນທີ 12 ກັນຍານີ້ ໂດຍຜູ້ຕາງໜ້າວິສາຫະກິດ 120 ທ່ານຈາກຈີນ, ໄທ, ຫວຽດນາມ ແລະປະເທດອື່ນໆ ໄດ້ປຶກສາຫາລືແນວຄິດການສົ່ງເສີມການຈໍລະຈອນສິນຄ້າສົດແລະແຊ່ເຢັນຕາມທາງທິດໃຕ້ ໂດຍປິ່ນອ້ອມຫົວຂໍ້ "ຮ່ວມກັນຊົມໃຊ້ຕ່ອງໂສ້ແຊ່ເຢັນ ແລະປະດິດສ້າງໃໝ່" ເພື່ອສ້າງເວທີການຮ່ວມມືໃຫ້ແກ່ວິສາຫະກິດໃນການຂະຫຍາຍຕະຫຼາດ.
ທ່ານ ເຫວີຍທ່າວ ຜູ້ຮັບຜິດຊອບກຸ່ມທ່າກຳປັ່ນສາກົນອ່າວເປີຍປູ້ເຂດກວາງຊີ ກ່າວວ່າ, ປັດຈຸບັນ, ກຸ່ມຕົນກຳລັງອອກແຮງຍົກລະດັບຕ່ອງໂສ້ແຊ່ເຢັນຂອງເຂດຈໍລະຈອນສິນຄ້າສາກົນລວມນານນິງ, ການສ້າງສູນຄ້າຂາຍຜະລິດຕະພັນກະສິກຳສາກົນທ່າເໜືອຂອງທ່າກຳປັ່ນຊິ່ນໂຈ່ວ ແລະສູນເຕົ້າໂຮມຕະຫຼາດຈໍລະຈອນສິນຄ້າດ້ວຍຕ່ອງໂສ້ແຊ່ເຢັນແຫ່ງອື່ນໆ, ພ້ອມທັງອາໄສຊັບພະຍາກອນທ່າກຳປັ່ນ ແລະທິດທາງສູ່ພາກໃຕ້ຈຸ່ງກິ່ງ-ກວາງຊີ-ສິງກະໂປ, ເຕົ້າໂຮມຕ່ອງໂສ້ແຊ່ເຢັນ ແລະພະຍາຍາມສ້າງສູນບໍລິການຈໍລະຈອນສິນຄ້າທີ່ຮ່ວມກັນຊົມໃຊ້ທົ່ວຕ່ອງໂສ້ແຊ່ເຢັນ.
ປັດຈຸບັນ, ທິດທາງສູ່ພາກໃຕ້ໄດ້ດຳເນີນທຸລະກິດເປັນປົກກະຕິແລ້ວ ໂດຍໄດ້ສ້າງຊ່ອງທາງຂົນສົ່ງທີ່ສະດວກໃຫ້ແກ່ຕະຫຼາດຈໍລະຈອນສິນຄ້າ.
 |
