ໂຮງຮຽນສາສະໜາແຫ່ງໜຶ່ງໃນນະຄອນຫຼວງກົວລາລຳເປີປະເທດມາເລເຊຍໄດ້ເກີດໄຟໄໝ້ໃນຕອນຮຸ່ງເຊົ້າວັນທີ 14 ກັນຍານີ້ ສົ່ງຜົນເຮັດໃຫ້ຢ່າງໜ້ອຍມີຜູ້ເສຍຊີວິດ 25 ຄົນ.
ເຈົ້າໜ້າທີ່ດັບເພີງມາເລເຊຍຢືນຢັນວ່າ ຫຼັງໄດ້ຮັບການລາຍງານເຫດໄຟໄໝ້ປະມານເວລາ 5 ໂມງ 41 ນາທີ, ໜ່ວຍງານຕົນກໍໄດ້ສົ່ງເຈົ້າໜ້າທີ່ດັບເພີງໄປສະຖານທີ່ເກີດເຫດແລະມາຮອດປັດຈຸບັນໄຟໄດ້ມອດແລ້ວ. ຈາກເຫດການດັ່ງກ່າວໄດ້ເຮັດໃຫ້ນັກຮຽນ 22 ຄົນ ແລະອາຈານ 3 ຄົນເສຍຊີວິດ.
ເຈົ້າໜ້າທີ່ດັບເພີງມາເລເຊຍຢືນຢັນໂດຍຄາດວ່າຜູ້ເສຍຊີວິດອາດຈະເພີ່ມຂຶ້ນອີກ. ຂະນະທີ່ປັດຈຸບັນຍັງບໍ່ຮູ້ສາເຫດຂອງການເກີດອັກຄີໄພຢ່າງລະອຽດເທື່ອ.