ຕອນບ່າຍວັນທີ 14 ກັນຍານີ້ຕາມເວລາທ້ອງຖິ່ນ, ກອງກຳປັ່ນປ້ອງກັນຕິດຂີປະນາວຸດເພື່ອປ້ອງກັນການເດີນເຮືອຊຸດທີ 26 ໄດ້ເດີນທາງໄປເຖິງທ່າກຳປັ່ນອານເວີບປະເທດແບນຊິກ ເຊິ່ງເປັນຂີດໝາຍຂອງການເລີ່ມຢ້ຽມຢາມສັນຖະວະໄມຕີປະເທດດັ່ງກ່າວເປັນເວລາ 5 ວັນ.
ຫຼັງທຽບທ່າກຳປັ່ນດັ່ງກ່າວ, ເຈົ້າໜ້າທີ່ແບນຊິກແລະສະຖານທູດຈີນປະຈຳແບນຊິກໄດ້ເຂົ້າຮ່ວມຕ້ອນຮັບຢ່າງຄຶກຄື້ນຢູ່ທ່າກຳປັ່ນ ແລະໃນໂອກາດນີ້ ທ່ານວາງຈຸ້ງສາຍ ຜູ້ບັນຊາການຂະບວນກຳປັ່ນກ່າວໃນພິທີວ່າ, ກ່ອນໜ້ານີ້ຄືເມື່ອປີ 2000, ກຳປັ່ນປ້ອງກັນຕິດຂີປະນາວຸດ "ວັນເດເລຍ" ຂອງກອງທັບເຮືອແບນຊິກໄດ້ເດີນທາງຢ້ຽມຢາມນະຄອນຊຽງໄຮປະເທດຈີນ ແລະໃນມື້ນີ້, ກຳປັ່ນທະຫານເຮືອຈີນກໍໄດ້ຢ້ຽມຢາມແບນຊິກ ເຊິ່ງເປັນການບັນລຸການຢ້ຽມຢາມເຊິ່ງກັນແລະກັນຂອງກຳປັ່ນທະຫານເຮືອນສອງປະເທດ. ການຢ້ຽມຢາມຄັ້ງນີ້ຈະເພີ່ມຄວາມເຂົ້າໃຈແລະຄວາມໄວ້ເນື້ອເຊື່ອໃຈກັນລະຫວ່າງສອງຝ່າຍ ແລະຊຸກຍູ້ການໄປມາຫາສູ່ແລະການຮ່ວມມືລະຫວ່າງສອງຝ່າຍໄດ້ເປັນຢ່າງດີ.
ໃນໄລຍະຢ້ຽມຢາມແບນຊິກ, ຈະຈັດງານລ້ຽງຢູ່ດາດຟ້າກຳປັ່ນ, ເປີດໃຫ້ເຂົ້າຊົມກຳປັ່ນ ແລະກິດຈະກຳອື່ນໆ ລວມທັງຈະແລກປ່ຽນດ້ານວັດທະນະທຳແລະກິລາຕ່າງໆກັບນາຍແລະພົນທະຫານແບນຊິກຕື່ມອີກ.