ຕາມຂ່າວ CRI：ວັນທີ 16 ກັນຍານີ້, ຢູ່ເມືອງໂດເວີເຊິ່ງເປັນທ່າກຳປັ່ນທີ່ພາກໃຕ້ສຽງຕາເວັນອອກຂອງອັງກິດ, ຕຳຫຼວດອັງກິດໄດ້ຈັບຕົວຜູ້ຕ້ອງຫາ 1 ຄົນຂອງຄະດີຫຼອນໂຈມຕີກໍ່ການຮ້າຍທີ່ໄດ້ເກີດຂຶ້ນໃນວັນທີ 15 ກັນຍານີ້ຢູ່ລົດໄຟໃຕ້ດິນຂອງນະຄອນລອນດອນ.
ຕຳຫຼວດອັງກິດໄດ້ອອກຖະແຫຼງການໃນວັນທີ 16 ກັນຍານີ້ວ່າ, ຜູ້ຊາຍທີ່ມີອາຍຸ 18 ປີນີ້ຖືກຈັບຕົວຍ້ອນຖືກສົງກໍ່ການປະພຶດລັດທິກໍ່ການຮ້າຍ, ແລະຖືກມອບໃຫ້ຕຳຫຼວດຂອງນະຄອນລອນດອນ.
ເຈົ້າໜ້າທີ່ລະດັບສູງຂອງກົມຕຳຫຼວດນະຄອນລອນດອນທ່ານໜຶ່ງກ່າວວ່າ, ການເຄື່ອນໄຫວຈັບຕົວຄັ້ງນີ້ມີຄວາມສຳຄັນຫຼາຍ, ແຕ່ວ່າລະດັບການຂົ່ມຂູ່ການກໍ່ການຮ້າຍຂອງອັງກິດຍັງຮັກສາລະດັບຮີບດ່ວນເຊິ່ງເປັນລະດັບສູງທີ່ສຸດ.
ວນັທີ 15 ກັນຍານີ້, ຢູ່ສະຖານີລົດໄຟໃຕ້ດິນທີ່ພາກຕາເວັນຕົກຂອງນະຄອນລອນດອນເກີດເຫດການລະເບີດແຕກ, ເຊິ່ງເຮັດໃຫ້ມີປະມານ 30 ຄົນບາດເຈັບ. ຫຼັງຈາກນັ້ນຕຳຫຼວດອັງກິດປະກາດວ່າເຫດການດັ່ງເກົ່າແມ່ນເຫດການການກໍ່ການຮ້າຍຄັ້ງໜຶ່ງ. ພາຍຫຼັງເຫດການຫຼອນໂຈມຕີໄດ້ເກີດຂຶ້ນ, ອົງການຫົວຮຸນແຮງ "IS" ປະກາດວ່າໄດ້ກໍ່ການຫຼອນໂຈມຕີຄັ້ງນີ້.
ໃນເວລາຕອນແລງວັນທີ 15 ກັນຍານີ້, ທ່ານນາງ ເທເຣຊາ ມາຣີ ເມ, ນາຍົກລັດຖະມົນຕີອັງກິດປະກາດວ່າ, ຈະເອົາລະດັບການຂົ່ມຂູ່ການກໍ່ການຮ້າຍຂອງອັງກິດຈາກລະດັບຮຸນແຮງຍົກສູງເປັນລະດັບຮີບດ່ວນ.
