ເຈົ້າໜ້າທີ່ກອງທັບຟີລິບປິນຢືນຢັນໃນວັນທີ 18 ກັນຍານີ້ວ່າ: ສົງຄາມມາຣາວີເພື່ອປາບປາມກຸ່ມປະກອບອາວຸດຕໍ່ຕ້ານລັດຖະບານທີ່ແກ່ຍາວມາເກືອບ 4 ເດືອນນັ້ນໃກ້ຈະສິ້ນສຸດລົງແລ້ວ.
ທ່ານເດນຟີນ ໂລເຣັນຈານາ ລັດຖະມົນຕີກະຊວງປ້ອງກັນປະເທດຟີລິປິບຢືນຢັນໃນການຖະແຫຼງຂ່າວໃນວັນດຽວກັນວ່າ: ປັດຈຸບັນ, ກຸ່ມປະກອບອາວຸດໃນເມືອງມາຣາວີສາມາດຄວບຄຸມເຂດແຄ້ວນໄດ້ພຽງປະມານ 10 ເຮັກຕາເທົ່ານັ້ນ ໂດຍໃນເມືອງມີຜູ້ປະກອບອາວຸດຂອງກຸ່ມມາວເຕແລະກຸ່ມອາບູຊາຢັບແຕ່ 60 ຫາ80 ຄົນທີ່ຍັງດື້ດ້ານຫົວແຂງ ຂະນະທີ່ກຸ່ມກໍ່ການຮ້າຍດັ່ງກ່າວໄດ້ກັກຂັງຕົວປະກັນແຕ່ 40 ຫາ 60 ຄົນ. ແນວໃດກໍດີ, ເຊື່ອໝັ້ນວ່າບັ້ນຮົບທີ່ແກ່ຍາວມາເກືອບ 120 ວັນນັ້ນໃກ້ຈະສິ້ນສຸດລົງແລ້ວ.
ວັນທີ 23 ພຶດສະພານີ້, ທະຫານແລະຕຳຫຼວດຟີລິບປິນໄດ້ປະທະກັບກຸ່ມປະກອບອາວຸດ "ມາວເຕ"ແລະກຸ່ມອາບູຊາຢັບ ແລະສົງຄາມດັ່ງກ່າວໄດ້ແກ່ຍາວມາຈົນເຖິງປັດຈຸບັນ. ຂະນະທີ່ກອງທັບຟີລິບປິນເປີດເຜີຍວ່າ: ສົງຄາມມາຣາວີໄດ້ເຮັດໃຫ້ຜູ້ມີເສຍຊີວິດ 869 ຄົນ, ໃນນີ້ ຜູ້ປະກອບອາວຸດ 673 ຄົນ, ທະຫານແລະຕຳຫຼວດ 149 ຄົນແລະປະຊາຊົນ 47 ຄົນ.