ຂ່າວສານຊິນຮວາລາຍງານວ່າ: ວັນທີ 18 ກັນຍານີ້, ອົງການພັດທະນາວິສາຫະກິດສາກົນສິງກະໂປເປີດເຜີຍວ່າ, ຈາກການສົ່ງອອກສິນຄ້າເອເລັກໂຕຣນິກ ແລະ ສິນຄ້າທົ່ວໄປເພີ່ມຂຶ້ນນັ້ນສົ່ງຜົນເຮັດໃຫ້ການສົ່ງອອກສິນຄ້າຍົກເວັ້ນນ້ຳມັນເຊື້ອໄຟໃນເດືອນສິງຫາປີນີ້ໄດ້ເພີ່ມຂຶ້ນ 17% ທຽບໃສ່ໄລຍະດຽວກັນຂອງປີຜ່ານມາ.
ໃນເດືອນສິງຫາ, ສິງກະໂປສົ່ງອອກສິນຄ້າເອເລັກໂຕຣນິກເພີ່ມຂຶ້ນ 21,7% ແລະ ສິນຄ້າທົ່ວໄປກໍເພີ່ມຂຶ້ນ 15% ທຽບໃສ່ໄລຍະດຽວກັນຂອງປີຜ່ານມາໂດຍຈີນເປັນຕະຫຼາດໃຫຍ່ທີ່ສຸດໃນການນຳເຂົ້າສິນຄ້າໂດຍຍົກເວັ້ນນ້ຳມັນເຊື້ອໄຟ.
ຈາກນີ້, ຈຶ່ງບັນລຸຍອດມູນຄ່າການຄ້າຕ່າງປະເທດເພີ່ມຂຶ້ນ 15,6% ທຽບໃສ່ໄລຍະດຽວກັນ ແລະ ມູນຄ່າການນຳເຂົ້າສົ່ງອອກເພີ່ມຂຶ້ນ 10 ເດືອນຢ່າງຕໍ່ເນື່ອງ.
 |
