ກະຊວງທ່ອງທ່ຽວແລະກິລາໄທເປີດເຜີຍໃນວັນທີ 19 ກັນຍານີ້ວ່າ, ໃນເດືອນສິງຫາຜ່ານມາ, ນັກທ່ອງທ່ຽວຈີນໄປທ່ຽວປະເທດຕົນເຖິງ 9 ແສນ 8 ໝື່ນ 3 ພັນເທື່ອຄົນ, ທຽບໃສ່ໄລຍະດຽວກັນປີຜ່ານມາເພີ່ມຂຶ້ນ 10,3%, ແລະນັບວ່າເປັນອັດຕາເພີ່ມຂຶ້ນຫຼາຍທີ່ສຸດໃນປີນີ້.
ທ່ານພົງພະນຸ ສະເວດຕາຣັນດາ ຮອງລັດຖະມົນຕີກະຊວງທ່ອງທ່ຽວແລະກິລາໄທກ່າວ ວ່າ, ໃນເດືອນສິງຫາປີນີ້, ຍອດຈຳນວນນັກທ່ອງທ່ຽວຕ່າງປະເທດໄປທ່ຽວປະເທດຕົນບັນລຸເຖິງ 3 ລ້ານ 1 ແສນ 3 ໝື່ນ 3 ພັນ 4 ຮ້ອຍເທື່ອຄົນ, ທຽບໃສ່ໄລຍະດຽວກັນປີຜ່ານມາເພີ່ມຂຶ້ນ 8,66%, ໃນນັ້ນນັກທ່ອງທ່ຽວຈີນເປັນອັນດັບໜຶ່ງ, ຖັດມາແມ່ນນັກທ່ອງທ່ຽວຈາກມາເລເຊຍ, ສ ເກົາຫຼີ, ຍີ່ປຸ່ນ, ລາວ, ອິນເດຍແລະອື່ນໆ, ໂດຍສາມາດສ້າງລາຍຮັບໄດ້ 163 ຕື້ 400 ລ້ານບາດ(ປະມານ 4 ຕື້ 941 ລ້ານໂດລາສະຫະລັດ)ໃຫ້ແກ່ປະເທດຕົນ, ທຽບໃສ່ໄລຍະດຽວກັນປີຜ່ານມາເພີ່ມຂຶ້ນ 11,72%.
 |
