ທ່ານຫວາງຊິງຢາງ ປີນີ້ອາຍຸ 41 ປີເປັນຊ່າງຜະລິດຂິມບູຮານຢູ່ເມືອງຊິງຕາວ ແຂວງຊ່ານຕຸ່ງ ສປ ຈີນ. ກ່ອນໜ້ານີ້ 1 ປີ, ບໍລິສັດທີ່ທ່ານເຮັດວຽກຢູ່ນັ້ນຕ້ອງການຜະລິດກາຕູນທີ່ເນັ້ນວັດທະນະທຳດັ້ງເດີມ,ແລະຈາກປະສົບການທີ່ຮູ້ຂິມບູຮານ ເຄື່ອງດົນຕີພື້ນເມືອງຈີນທີ່ມີປະຫວັດສາດ 3000 ປີແລ້ວ ຈິ່ງເປັນຈຸດເລີ່ມຕົ້ນຫັນມາຜະລິດຂິມບູຮານ. ທ່ານຫວາງຊິງຢາງບອກວ່າ, ເມື່ອໄດ້ຍິນສຽງດົນຕີພິນບູຮານແລ້ວກໍຕິດຫູຕິດໃຈຕົນມາຕະຫຼອດ. ຈາກນັ້ນຈິ່ງໄດ້ລາອອກຈາກບໍລິສັດກັບບ້ານເກີດຄືເມືອງຊິງຕາວເພື່ອຜະລິດຂິມບູຮານໂດຍຜະລິດໄດ້ພຽງແຕ່ໜ່ວຍໜຶ່ງຕໍ່ປີເທົ່ານັ້ນ. ທ່ານບອກວ່າ, ການຜະລິດພິນບູຮານຕ້ອງໃຊ້ເວລາຫຼາຍ, ເຮັດຕາມສູດດັ້ງເດີມ, ທຸກຂັ້ນຕອນຕ້ອງເຮັດແບບບໍ່ປະໝາດ ເຊິ່ງຄວາມຈິງແລ້ວການຈະໄດ້ຂິມບູຮານໜ່ວຍໜຶ່ງຕ້ອງໃຊ້ເວລາ 1 ຫາປີເຄິ່ງຈິ່ງຈະສຳເລັດ.