ທ່ານຮາວີ ສະຈວດ ປະທານກຸ່ມບໍລິສັດGoldmanSachsຫຼືGSຢືນຢັນຢູ່ປັກກິ່ງໃນວັນທີ 20 ກັນຍານີ້ວ່າ: ນັບແຕ່ຕົ້ນປີນີ້ເປັນຕົ້ນມາ, ເສດຖະກິດໂລກໄດ້ມີທ່າອ່ຽງຂະຫຍາຍຕົວໄປທາງທີ່ດີ, ຂະນະທີ່ຈີນກໍກຳລັງເປັນແກນນຳການຂະຫຍາຍຕົວທາງເສດຖະກິດຂອງກຸ່ມເສດຖະກິດສຳຄັນໃນໂລກ.
ທ່ານຮາວີ ສຈວດຢືນຢັນວ່າ: ປັດຈຸບັນ,ເສດຖະກິດໂລກມີທ່າອ່ຽງຂະຫຍາຍຕົວດີເຊິ່ງກໍດີກວ່າປີຜ່ານມາ. ຈີນໄດ້ກາຍເປັນແກນນຳການຂະຫຍາຍຕົວທາງເສດຖະກິດຂອງກຸ່ມເສດຖະກິດສຳຄັນໃນໂລກ, ຂະນະທີ່ເສດຖະກິດໃນເອີຣົບແລະອາເມລິກາຟື້ນຕົວຄືນພ້ອມກັນນັ້ນ, ກຸ່ມGSພ້ອມດ້ວຍລູກຄ້າກໍໝັ້ນໃຈຕໍ່ອະນາຄົດຂອງເສດຖະກິດໂລກ ແລະພວກເຮົາໃຫ້ຄວາມສຳຄັນຕໍ່ອະນາຄົດທາງເສດຖະກິດຈີນຢູ່ໃນແງ່ດີຕະຫຼອດມາ, ຕະຫຼາດຈີນນັບມື້ມີຖານະທີ່ສຳຄັນໃນຍຸດທະສາດຂອງບໍລິສັດ.
ທ່ານຮາວີ ສະຈວດຍັງກ່າວຕື່ມວ່າ: ການຟື້ນຕົວຄືນຂອງເສດຖະກິດໂລກຍັງຜະເຊີນກັບປັດໄຈທີ່ບໍ່ໝັ້ນທ່ຽງແລະບໍ່ແນ່ນອນຫຼາຍຢ່າງເປັນຕົ້ນ ທ່າອ່ຽງຂອງນະໂຍບາຍປະຕິຮູບສ່ວຍສາອາກອນແລະອື່ນໆຂອງອາເມລິກາ, ຂະບວນການຖອນອອກຈາກສະຫະພາບເອີຣົບຂອງອັງກິດພ້ອມດ້ວຍປັດໄຈການເມືອງໃນພາກພື້ນແລະອື່ນໆ.