ວັນທີ 21 ກັນຍານີ້, ອົງການການຄ້າໂລກຫຼື WTO ໄດ້ປັບຄາດໝາຍການເຕີບໂຕການຄ້າຂອງໂລກໃນປີນີ້ຈາກ 2,4% ຂຶ້ນເປັນ 3,6%. ເນື່ອງຈາກໄດ້ຮັບຜົນປະໂຫຍດຂອງປະເທດການຄ້າໃຫຍ່ສຳຄັນຂອງໂລກໂດຍສະເພາະເສດຖະກິດຂອງຈີນທີ່ເຕີບໂຕຢ່າງແຂງແຮງໃນ 6 ເດືອນຕົ້ນປີນີ້, ແລະມູນຄ່າການຄ້າໂລກກໍໄດ້ເພີ່ມຂຶ້ນ 4,2% ເມື່ອທຽບໃສ່ໄລຍະດຽວກັນຂອງປີຜ່ານມາ. ໃນນັ້ນ, ການນຳເຂົ້າຂອງກຸ່ມເສດຖະກິດທີ່ພັດທະນາແລ້ວໄດ້ເພີ່ມຂຶ້ນ 2,1%, ຂະນະທີ່ການສົ່ງອອກກໍໄດ້ເພີ່ມຂຶ້ນ 3,1%, ສ່ວນການນຳເຂົ້າສິນຄ້າຂອງກຸ່ມເສດຖະກິດທີ່ພວມພັດທະນາໄດ້ເພີ່ມຂຶ້ນ 6,9%, ແລະການສົ່ງອອກກໍໄດ້ເພີ່ມຂຶ້ນ 5,9% ເຊັ່ນດຽວກັນ.
ທ່ານໂຣເປີດ ອັສວິໂຕ ຜູ້ວ່າການ WTO ກ່າວວ່າ, ເຖິງວ່າພາບລວມໃນອະນາຄົດຂອງເສດຖະກິດໂລກໄດ້ປັບປຸງດີຂຶ້ນ, ແຕ່ໄພຂົ່ມຂູ່ທີ່ສຳຄັນຂອງເສດຖະກິດໂລກຜະເຊີນໜ້ານັ້ນຍັງຄົງຕົວແລະອາດຈະທຳລາຍການຟື້ນຕົວຄືນໃໝ່ຂອງເສດຖະກິດຢ່າງງ່າຍດາຍ. ຂະນະດຽວກັນ WTO ຄາດວ່າ, ຍ້ອນໄດ້ຮັບຜົນກະທົບຈາກນະໂຍບາຍເງິນຕາຂອງກຸ່ມເສດຖະກິດທີ່ພັດທະນາແລ້ວ, ຄວາມໄໃນການວເຕີບໂຕຂອງເສດຖະກິດໂລກໃນປີໜ້າຈະຢູ່ໃນລະດັບປະມານ 3,2%.