ເວັບໄຊສະຖານທູດຈີນປະຈຳແມັກຊິກເປີດເຜີຍໃນວັນທີ 22 ກັນຍານີ້ວ່າ: ແຜ່ນດິນໄຫວຮຸນແຮງຢູ່ແມັກຊິກໄດ້ເຮັດໃຫ້ຊາວໄຕ້ຫວັນ ເຊິ່ງເປັນພີ່ນ້ອງຮ່ວມຊາດປະເທດຕົນເສຍຊີວິດ 5 ຄົນ.
ຂ່າວແຈ້ງວ່າ, ພາກສ່ວນທີ່ກ່ຽວຂ້ອງຂອງແມັກຊິກພ້ອມດ້ວຍຄອບຄົວຊາວໄຕ້ຫວັນຢືນຢັນວ່າ ຊາວໄຕ້ຫວັນ 5 ຄົນທີ່ຖືກຕິດຄ້າງໃຕ້ກອງຊາກສະຫຼັກຫັກພັງນັ້ນໄດ້ເສຍຊີວິດແລ້ວ, ເຈົ້າໜ້າທີ່ສະຖານທູດແລະສະຖານກົງສຸນຈີນປະຈຳແມັກຊິກຕ່າງກໍໄດ້ສະແດງຄວາມເສົ້າສະຫຼົດໃຈຕໍ່ພີ່ນ້ອງຮ່ວມຊາດທີ່ປະສົບເຄາະຮ້າຍທັງສະແດງຄວາມເຫັນໃຈຕໍ່ຄອບຄົວເຂົາເຈົ້າ.
ຕອນບ່າຍວັນທີ 19 ກັນຍານີ້, ແມັກຊິກໄດ້ເກີດແຜ່ນດິນໄຫວຮຸນແຮງຂະໜາດ 7,1 ຣິກເຕີ. ເຈົ້າໜ້າທີ່ອົງການປ້ອງກັນອາກາດປະຊາຊົນແຫ່ງຊາດທີ່ຂຶ້ນກັບກະຊວງພາຍໃນແມັກຊິກຢືນຢັນໃນວັນທີ 22 ກັນຍານີ້ວ່າ ແຜ່ນດິນໄຫວເທື່ອນີ້ໄດ້ເຮັດໃຫ້ຢ່າງໜ້ອຍມີຜູ້ເສຍຊີວິດແລ້ວ 295 ຄົນ.
 |
