ຫວ່າງກ່ອນນີ້ບໍ່ດົນ, ຄະນະຄົ້ນຄວ້າລະບົບຊຳລະເງິນວິເຊັດໄດ້ເຜີຍແຜ່ບົດລາຍງານຢູ່ນະຄອນຫຼວງບາງກອກຂອງໄທໂດຍຊີ້ອອກວ່າ, ການຊຳລະເງິນແບບເຄື່ອນທີ່ກາຍເປັນເລື່ອງສະໄໝນິຍົມໂດຍວິທີຊຳລະເງິນແບບບໍ່ໃຊ້ເງິນສົດ ເປັນຕົ້ນຊຳລະດ້ວຍໂທລະສັບມືຖື ໄດ້ຖືກນຳໃຊ້ຢ່ທົ່ວໄປໃນຊີວິດປະຈຳວັນຂອງຄົນຈີນ.
ໃນກອງປະຊຸມສຸດຍອດອາຊີປາຊິຟິກກ່ຽວກັບຕົວເມືອງສະມາດແລະວຽກງານບໍລິຫານລັກແບບເອເຣັກໂຕຼນິກຄັ້ງທີ 3 ທີ່ຈັດຂຶ້ນຢູ່ນະຄອນຫຼວງບາງກອກປະເທດໄທໃນວັນທີ 22 ກັນຍານີ້, ຄະນະຄົ້ນຄວ້າລະບົບຊຳລະເງິນວິເຊັດໄດ້ແນະນຳພຶດຕິກຳຕົວຈິງຂອງຈີນໃນການພັດທະນາຕົວເມືອງສະມາດ, ແລະໄດ້ເຜີຍແຜ່ບົດລາຍງານກ່ຽວກັບການດຳລົງຊີວິດແບບສະມາດຂອງຈີນ2017.
ບົດລາຍງານດັ່ງກ່າວສະແດງໃຫ້ເຫັນວ່າ, ໃນຊີວິດປະຈຳວັນ ຄົນຈີນ 40% ຖືເງິນສົດຕິດຕົວໜ້ອຍກວ່າ 100 ຢວນຂະນະອອກນອກ, ແລະມີ 84%ກ່າວວ່າສາມາດບໍ່ເອົາເງິນສົດຕິດຕົວໄປນຳ.
ບົດລາຍງານຍັງຊີ້ໃຫ້ເຫັນວ່າ, ວິສາຫະກິດເຕັກນິກວິທະຍາສາດຈີນໄດ້ສ້າງສະພາບແວດລ້ອມທີ່ດີພາຍໃນປະເທດແລ້ວ, ຂະນະທີ່ໃນອະນາຄົດ ວິສາຫະກິດເຕັກນິກວິທະຍາສາດຈີນກໍຈະສາມາດປະກອບສ່ວນເຂົ້າໃນການພັດທະນາເຕັກໂນໂລຊີທາງການເງິນແລະການເງິນດີຈິຕອນຂອງທົ່ວໂລກເຊັ່ນດຽວກັນ.
 |
