ທ່ານລີຢົງໂຮ ລັດຖະມົນຕີກະຊວງການຕ່າງປະເທດ ສປປ ເກົາຫຼີ ໄດ້ກ່າວປາໄສໃນກອງປະຊຸມອະພິປາຍທົ່ວໄປຂອງກອງປະຊຸມສະມັດຊາໃຫຍ່ອົງການສະຫະປະຊາຊາດຄັ້ງທີ 72 ໃນຕອນບ່າຍວັນທີ 23 ກັນຍານີ້ ໂດຍຕຳໜິທ່ານໂດນັນ ທຣຳ ປະທານາທິບໍດີອາເມລິກາທີ່ໄດ້ຢຽບຫຍາມກຽດສັກສີອັນສູງສົ່ງທີ່ສຸດຂອງປະເທດຕົນ.
ທ່ານລີຢົງໂຮ ຍັງສະແດງຄວາມຄັດຄ້ານຕໍ່ມະຕິຂອງສະພາຄວາມໝັ້ນຄົງອົງການສະຫະປະຊາຊາດທີ່ກ່ຽວພັນເຖິງ ສປປ ເກົາຫຼີຫຼາຍສະບັບ ແລະສະແດງຄວາມຕັດສິນໃຈອັນເດັດດ່ຽວຂອງ ສປປ ເກົາຫຼີທີ່ສະແຫວງຫາຖານະເປັນປະເທດມີອາວຸດນິວເຄລຍໃນຄອບຄອງ.
ທ່ານລີຢົງໂຮ ກ່າວຕື່ມວ່າ: ນະໂຍບາຍທີ່ເປັນປໍລະປັກ ແລະ ໄພຂົ່ມຂູ່ທາງນິວເຄລຍຈາກອາເມລິກາ ແມ່ນສາເຫດພື້ນຖານຂອງການພັດທະນາອາວຸດນິວເຄລຍຂອງ ສປປ ເກົາຫຼີ ແລະ ການທີ່ສະແຫວງຫາການມີອາວຸດນິວເຄລຍໃນຄອບຄອງໄດ້ກາຍເປັນພົມລິຂິດຂອງປະເທດຕົນລ້ວ.
