ວັນທີ 23 ກັນຍານີ້, ອົງການປົກຄອງເຂດປົກຄອງຕົນເອງເຄິດສະຖານຂອງອີຣັກໄດ້ປະຕິເສດການລາຍງານຂາວກ່ຽວກັບການເລື່ອນເວລາລົງປະຊາມະຕິເພື່ອແຍກຕົວເປັນເອກະລາດ ແລະ ກ່າວຢ້ຳວ່າຈະຈັດຂຶ້ນໃນວັນທີ 25 ກັນຍາຕາມກຳນົດ.
ເດືອນມິຖຸນາປີນີ້, ເຂດເຄິດສະຖານຂອງອີຣັກປະກາດວ່າຈະຈັດການເອົາປະຊາມະຕິເພື່ອແຍກຕົວເປັນເອກະລາດ, ການກະທຳດັ່ງກ່າວກໍຖືກລັດຖະບານອີຣັກ ແລະປະເທດໃກ້ຄຽງ ເຊັ່ນ, ຕວກກີ ແລະ ອີຣານຄັດຄ້ານຢ່າງຮຸນແຮງໃນທັນທີ. ວັນທີ 15 ກັນຍານີ້, ສະພາເຂດເຄິດສະຖານໄດ້ປ່ອນບັດຢ່າງເປັນທາງການໂດຍອະນຸຍາດໃຫ້ຈັດການເອົາປະຊາມະຕິຕໍ່ບັນຫາການແຍກຕົວເປັນເອກະລາດ. ຂະນະທີ່ວັນທີ 18 ເດືອນດຽວກັນ, ສານສູນສຸດສະຫະພາບອີຣັກໄດ້ທຳການຕັດສິນໂດຍທວງໃຫ້ເຂດເຄິດສະຖານປະລະດຳເນີນການເອົາປະຊາມະຕິດັ່ງກ່າວ.
ໃນໄລຍະດົນນານມານີ້, ການພົວພັນລະຫວ່າງອົງການປົກຄອງເຂດເຄິດສະຖານ ກັບ ລັດຖະບານອີຣັັກເຄັ່ງຕຶງມາໂດຍຕະຫຼອດ, ສອງຝ່າຍມີຂໍ້ຂັດແຍ້ງກ່ຽວກັບດິນແດນຫຼາຍແຂວງ ໂດຍສະເພາະແຂວງເກຍກຸກ ເຊິ່ງເປັນບ່ອນທີ່ມີນ້ຳມັນເຊື້ອໄຟທີ່ອຸດົມສົມບູນ.
