ຕາມຂ່າວCRI: ວັນທີ 23 ກັນຍານີ້, ການສະແດງແລະການວາງສະແດງມໍລະດົກວັດທະນະທຳທີ່ບໍ່ແມ່ນວັດຖຸກິ່ງແຂວງເຜົ່າຈ້າງແລະເຜົ່າຊ່ຽງອາປ້າ ແຂວງເສສວນຈີນໄດ້ຈັດຂຶ້ນຢູ່ສູນວັດທະນະທຳຈີນນະຄອນຫຼວງບາງກອກປະເທດໄທ.
ການສະແດງເທື່ອນີ້ລວມທັງລາຍການທີ່ມີເອກະລັກຊົນເຜົ່າ ເຊັ່ນ, ການຟ້ອນແບບມີມູນເຊື້ອ, ດົນຕີ, ເຄື່ອງເສບດົນຕີຊົນເຜົ່າ ແລະ ການເດີນແບບເປັນຕົ້ນ.
ນອກຈາກການສະແດງແລ້ວ, ສູນວັດທະນະທຳຈີນຍັງຈັດງານວາງສະແດງມໍລະດົກວັດທະນະທຳທີ່ບໍ່ແມ່ນວັດຖຸໂດຍໄດ້ສະແດງສີມືຜະລິດເຄື່ອງນຸ່ງຂອງຖື, ຢາແລະແພດແຜນເຜົ່າຈ້າງ, ສີມືແກະສະຫຼັກຄຳພີສີລາຈາລຶກເຜົ້າຈ້າງ ແລະ ຮູບຖັງຄາເປັນຕົ້ນ, ພ້ອມກັນນັ້ນຍັງສະແດງສີມືການຜະລິດທູບຕິເບດ ແລະ ການເປົ່າປີ່ເຜົ່າຊ່ຽງນຳອີກ. ກິດຈະກຳເທື່ອນີ້ຈະດຳເນີນເຖິງວັນທີ 2 ຕຸລາໜ້ານີ້ຈິ່ງຈະສິ້ນສຸດລົງ.