ວັນທີ 25 ກັນຍານີ້, ທ່ານ ລູ້ຄ່າງ ໂຄສົກກະຊວງການຕ່າງປະເທດຈີນຖະແຫຼງວ່າ: ດ້ວຍຄວາມເປັນເອກະພາບລະຫວ່າງທ່ານ ສີຈິ້ນຜິງ ປະທານປະເທດຈີນ ແລະທ່ານ ໂດນັນ ທຣຳ ປະທານາທິບໍດີອາເມລິກາຢູ່ມາອາລາໂກ ທີ່ໄດ້ຕົກລົງກັນຫຼັງປຶກສາຫາລືວ່າ, ກອງປະຊຸມສັງຄົມ-ວັດທະນະທຳຈີນ-ອາເມລິກາຄັ້ງທຳອິດຈະຈັດຂຶ້ນຢູ່ນະຄອນຫຼວງວໍຊິງຕັນປະເທດອາເມລິກາໃນວັນທີ 28 ກັນຍານີ້. ທ່ານ ລີວຢຽນຕຸ່ງ ຮອງນາຍົກລັດຖະມົນຕີຈີນຈະເດີນທາງເຂົ້າຮ່ວມແລະເປັນປະທານຮ່ວມກັບທ່ານ ເຮັກຕິນເລີຊັນ ລັດຖະມົນຕີກະຊວງການຕ່າງປະເທດອາເມລິກາ.
ໃນກອງປະຊຸມ, ສອງຝ່າຍຈະແລກປ່ຽນຄວາມຄິດຄວາມເຫັນກ່ຽວກັບການແລກປ່ຽນແລະການຮ່ວມມືລະຫວ່າງສອງປະເທດໃນຂົງເຂດຕ່າງໆຢ່າງເລິກເຊິ່ງ ໂດຍຈີນຍິນດີຮ່ວມກັບອາເມລິກາພະຍາຍາມຊຸກຍູ້ໃຫ້ກອງປະຊຸມປະສົບຜົນສຳເນັດຕາມເປົ້າໝາຍ.
 |
