ລັດຖະມົນຕີກະຊວງການຕ່າງປະເທດອາເມລິກາຈະຢ້ຽມຢາມຈີນ
2017-09-28 11:37:28 cri
ຕາມຂ່າວCRI: ທ່ານ ລູ້ຄ່າງ ໂຄສົກກະຊວງການຕ່າງປະເທດຈີນກ່າວໃນວັນທີ 27 ກັນຍານີ້ວ່າ: ໂດຍຕອບສະໜອງຕາມຄຳເຊີນຂອງທ່ານ ຫວາງຢີ້ ລັດຖະມົນຕີກະຊວງການຕ່າງປະເທດຈີນ, ທ່ານ ເຣັກສ໌ ຕິນເລີສັນ ລັດຖະມົນຕີກະຊວງການຕ່າງປະເທດອາເມລິກາຈະຢ້ຽມຢາມຈີນໃນວັນທີ 30 ກັນຍານີ້. ແລະໃນການພົບປະກັນນັ້ນ, ສອງຝ່າຍຈະແລກປ່ຽນຄວາມຄິດຄວາມເຫັນກ່ຽວກັບສາຍພົວພັນລະຫວ່າງສອງປະເທດ, ການຢ້ຽມຢາມຈີນທາງລັດຖະກິດຂອງທ່ານໂດນັນ ທຣຳ ປະທານາທິບໍດີອາເມລິກາໃນປີນີ້ຕາມຄຳເຊີນຂອງປະທານປະເທດສີຈິ້ນຜິງກໍຄືບັນຫາສາກົນແລະພາກພື້ນທີ່ສົນໃຈຮ່ວມກັນ.
