ກອງປະຊຸມຄະນະກຳມະການຮ່ວມມືເສດຖະກິດການຄ້າຈີນ-ຫວຽດນາມຄັ້ງທີ 10 ໄດ້ຈັດຂຶ້ນຢູ່ນະຄອນຫຼວງຮາໂນ້ຍປະເທດຫວຽດນາມໃນວັນທີ 28 ກັນຍານີ້, ໂດຍສອງຝ່າຍໄດ້ຕົກລົງຕັ້ງໜ້າຊຸກຍູ້ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ເຊື່ອມຈອດກັບແຜນພັດທະນາແລວເສດຖະກິດ "ຄຸນມິງ-ລາວກາຍ-ຍ່າໂນ້ຍ-ຮາຍຟອງ-ກວາງນິງ" "ນານນິງ-ລາງເຊີນ-ນ່າໂນ້ຍ-ຮາຍຟອງ-ກວາງນິງ" ແລະວົງເສດຖະກິດອ່າວເບີຍປູ້ຂອງຫວຽດນາມ, ທັງຊຸກຍູ້ວຽກງານການຮ່ວມມືທີ່ສຳຄັນຂອງສອງຝ່າຍຢ່າງແທ້ຈິງ.
ທ່ານເຈີນກ໋ວກແຄງ ຮອງລັດຖະມົນຕີກະຊວງອຸດສາຫະກຳການຄ້າຫວຽດນາມກ່າວວ່າ, ການຮ່ວມມືເສດຖະກິດການຄ້າລະຫວ່າງສອງປະເທດບັນລຸຜົນງານຢ່າງພົ້ນເດັ່ນ, ເຊິ່ງເປັນການປະກອບສ່ວນສຳຄັນເຂົ້າໃນການພັດທະນາການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ, ແນວໃດກໍດີປະເທດຕົນກໍຍິນດີຊຸກຍູ້ການພັດທະນາການພົວພັນເສດຖະກິດການຄ້າລະຫວ່າງສອງຝ່າຍດ້ວຍການແກ້ໄຂບັນຫາທີ່ແທ້ຈິງ.
ທ່ານກ່າວຢ້ຽນ ຮອງລັດຖະມົນຕີກະຊວງການຄ້າຈີນກ່າວວ່າ, ຫຼາຍປີຜ່ານມາຍອດມູນຄ່າການຄ້າລະຫວ່າງສອງປະເທດໄດ້ສ້າງສະຖິຕິໃໝ່ຢ່າງບໍ່ຢຸດຢັ້ງ, ວິສາຫະກິດຈີນເຂົ້າໄປລົງທຶນຢູ່ຫວຽດນາມເພີ່ມຂຶ້ນຢ່າງຫຼວງຫຼາຍ. ແລະຈີນກໍຍິນດີຮ່ວມກັບຫວຽດນາມ, ເຊື່ອມຈອດຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ແລະແຜນການ "ສອງແລວທາງແລະອ່າວເສດຖະກິດ" ຂອງຫວຽດນາມ, ລົງເລິກການຮ່ວມມືເສດຖະກິດການຄ້າລະຫວ່າງສອງປະເທດຢ່າງບໍ່ຢຸດຢັ້ງ.
 |
