ມາຮອດປັດຈຸບັນ, ທົ່ວປະເທດໄດ້ສຳເລັດການເລືອກຕັ້ງຜູ້ແທນທີ່ຈະເຂົ້າຮ່ວມກອງປະຊຸມໃຫຍ່ພັກກອມມູນິດຈີນຄັ້ງທີ 19 ບົນພື້ນຖານປະຕິບັດຕາມການກຳນົດດ້ວຍຄວາມເອກະພາບກັນຂອງສູນກາງພັກ ໂດຍມີຜູ້ແທນ 2287 ສະຫາຍ.
ຜູ້ແທນເຫຼົ່ານີ້ ໄດ້ຮັບການເລືອກຕັ້ງຈາກຂັ້ນລຸ່ມເຖິງຂັ້ນເທິງໂດຍຍຶດໝັ້ນການນຳພາຂອງພັກແລະການເສີມຂະຫຍາຍປະຊາທິປະໄຕຢ່າງເຕັມສ່ວນ ໂດຍອີງຕາມກົດລະບຽບຂອງພັກແລະຄວາມຮຽກຮ້ອງຕ້ອງການຂອງສູນກາງພັກກ່ຽວກັບການເລືອກຕັ້ງບຸກຄະລາກອນທີ່ດີມີຄວາມຮັບຜິດຊອບຢ່າງເຂັ້ມງວດ.
ໂດຍລວມແລ້ວ, ຜູ້ແທນທີ່ຖືກເລືອກຕັ້ງ ແມ່ນສອດຄ່ອງກັບມາດຖານເງື່ອນໄຂທີ່ສູນກາງພັກກຳນົດ, ມີຄຸນທາດການເມືອງໜັກແໜ້ນ ແລະ ມີຜົນງານທີ່ພົ້ນເດັ່ນໃນຕຳແໜ່ງວຽກງານຂອງໃຜລາວ, ຂະນະທີ່ອົງປະກອບແລະການກະຈາຍຂອງຜູ້ແທນ ກໍອ່າວສົມເຫດສົມຜົນ ແລະມີລັກສະນະຕາງໜ້າຢ່າງກວ້າງຂວາງ.
ແນວໃດກໍດີ, ຄຸນວຸດທິເປັນຜູ້ແທນທີ່ຈະເຂົ້າຮ່ວມກອງປະຊຸມໃຫຍ່ຂອງພັກຄັ້ງທີ 19 ນີ້ ຍັງຕ້ອງໄດ້ຜ່ານການຢືນຢັນຈາກຄະນະກຳມະການກວດກາຄຸນວຸດທິຜູ້ແທນກອງປະຊຸມຕື່ມອີກ.
 |
