ວັນທີ 1 ຕຸລານີ້, ຮູບເງົາຈີນເລື່ອງ"ຖັງຊຳຈັງລາຊະວົງຖາງ"ທີ່ພາກສຽງເປັນພາສາມຽນມາໄດ້ເລີ່ມສາຍຢູ່ໂຮງຮູບເງົາອອງຕາປີທີ່ນະຄອນຫຼວງເນປີດໍຂອງມຽນມາ ເຊິ່ງເປັນການເປີດສາກ"ສັບປະດາຮູບເງົາຈີນ"ທີ່ຈະດຳເນີນເປັນເວລາ 8 ມື້.
ທ່ານຫົງລ້ຽງ ເອກອັກຄະລັດຖະທູດຈີນປະຈຳມຽນມາປາໄສໃນພິທີເປີດສາກວ່າ: ການທີ່ຈັດພິທີເປີດ"ສັບປະດາຮູບເງົາຈີນ"ຢູ່ເນປີດໍນັ້ນມີຄວາມໝາຍເປັນພິເສດ, ເຊິ່ງເປັນການສືບທອດມິດຕະພາບອັນເປັນມູນເຊື້ອລະຫວ່າງຈີນກັບມຽນມາ, ທັງເປັນຄວາມປາຖະໜາແລະອວຍພອນຕໍ່ອະນາຄົດທີ່ດີງາມກວ່າເກົ່າຂອງການພົວພັນລະຫວ່າງສອງປະເທດອີກດ້ວຍ. ຜົນງານຮູບເງົາແລະໂທລະພາບແມ່ນວັດທະນະທຳທີ່ປະກອບສຽງແລະຮູບ ເປັນພາຫະນະສຳຄັນທີ່ຊຸກຍູ້ການແລກປ່ຽນດ້ານວັດທະນະທຳແລະການເຊື່ອມຄວາມສຳພັນໄມຕີຂອງປະຊາຊົນລະຫວ່າງຈີນແລະມຽນມາ.
ທ່ານເພມີນ ລັດຖະມົນຕີກະຊວງໂຄສະນາອົບຮົມມຽນມາກ່າວໃນພິທີດັ່ງກ່າວວ່າ: ຜ່ານການຈັດກິດຈະກຳ"ສັບປະດາຮູບເງົາຈີນ", ເຊື່ອໝັ້ນວ່າຈະສາມາດຊຸກຍູ້ມິດຕະພາບຖານອ້າຍນ້ອງອັນເປັນມູນເຊື້ອລະຫວ່າງສອງປະເທດ. ພ້ອມກັນນັ້ນ, ກໍຫວັງວ່າ "ສັບປະດາຮູບເງົາຈີນ"ຈະກາຍເປັນມູນເຊື້ອແລະໄດ້ຮັບການຮັກສາໃຫ້ມີຢູ່ຕໍ່ໆໄປ.