ວັນທີ 1 ຕຸລານີ້ ແມ່ນມື້ທຳອິດທີ່ປະຊາຊົນທົ່ວປະເທດຈີນຕ້ອນຮັບວັນຊາດຈີນ ແລະ ບຸນໄຫວ້ພະຈັນ. ອົງການທ່ອງທ່ຽວແຫ່ງຊາດຈີນໄດ້ເປີດເຜີຍວ່າ, ມື້ວັນທີ 1 ນີ້ ທົ່ວປະເທດໄດ້ຕ້ອນຮັບນັກທ່ອງທ່ຽວ 113 ລ້ານເທື່ອຄົນ, ເພີ່ມຂຶ້ນຫຼາຍກວ່າໄລຍະດຽວກັນຂອງປີຜ່ານມາ 10,5%, ແລະສ້າງລາຍຮັບເຖິງ 96 ຕື້ 500 ລ້ານຢວນ, ເພີ່ມຂຶ້ນຫຼາຍກວ່າໄລຍະດຽວກັນຂອງປີຜ່ານມາ 12,2%.
ໃນດ້ານການໄປທ່ຽວຕ່າງປະເທດ, ໃນມື້ວັນທີ 1 ຄະນະທ່ອງທ່ຽວທີ່ກຳລັງທ່ຽວຢູ່ຕ່າງປະເທດນັ້ນມີ 4576 ຄະນະ, ແລະນັກທ່ອງທ່ຽວ 1 ແສນ 1 ໝື່ນ 3 ພັນຄົນ. ຈຸດໝາຍປາຍທາງທີ່ທ່ຽວໄລຍະໄກນັ້ນແມ່ນສຸມໃສ່ຣັດເຊຍ, ອົສຕຼາລີ ອາເມລິກາ ແລະອື່ນໆ, ສ່ວນນັກທ່ອງທ່ຽວທີ່ອອກໄປທ່ຽວຕ່າງປະເທດໂດຍບໍ່ເຂົ້າຮ່ວມຄະນະທ່ອງທ່ຽວນັ້ນແມ່ນສ່ວນຫຼາຍໄປທ່ຽວປະເທດອາຊີຕາເວັນອອກ ແລະອາຊີຕາເວັນອອກສຽງໃຕ້. ຕົວເລກສະແດງໃຫ້ເຫັນວ່າ, ການຂັບລົດໄປທ່ຽວຕ່າງປະເທດນັ້ນໄດ້ເພິ່ມຂຶ້ນ 100% ເມື່ອທຽບໃສ່ໄລຍະດຽວກັນຂອງປີຜ່ານມາ.