ພິທີສະເຫຼີມສະຫຼອງງານອ້າຍນ້ອງຈີນມຽນມາຄັ້ງທີ 17 ໄດ້ຈັດຂຶ້ນຢ່າງໃຫຍ່ໂຕມະໂຫລານຢູ່ເມືອງຣຸຍລີກິ່ງແຂວງເຕີໂຫງແຂວງຢູນນານຂອງຈີນໂດຍຄຽງຄູ່ກັບທຸງຊາດຈີນແລະມຽນມາຖືກຊັກຂຶ້ນສູ່ອາກາດຮ່ວມກັນ, ປະຊາຊົນຕາມຊາຍແດນສອງປະເທດກໍໄດ້ຈັດງານປະກວດນາງງາມທີ່ຂີ່ລົດຄວາຍແລະການສະແດງຟ້ອນລຳເຊິ່ງເປັນການເລີ່ມຕົ້ນຂອງງານດັ່ງກ່າວ, ຂະນະທີ່ລາວ, ໄທແລະຫວຽດນາມກໍໄດ້ສົ່ງຄະນະເຂົ້າຮ່ວມເພື່ອສະເຫຼີມສະຫຼອງງານດັ່ງກ່າວ.
ນັບແຕ່ປີ 2000 ເປັນຕົ້ນມາ, ເມືອງຣຸຍລີໄດ້ຈັດພິທີສະເຫຼີມສະຫຼອງງານອ້າຍນ້ອງຈີນມຽນມາ 16 ຄັ້ງແລ້ວ, ເຊິ່ງກາຍເປັນວັນບຸນມະໂຫລານຢູ່ເຂດຊາຍແດນຈີນ-ມຽນມາ.
ຂ່າວແຈ້ງວ່າ, ໃນໄລຍະງານດັ່ງກ່າວຈະມີ 20 ກວ່າກິດຈະກຳເຊິ່ງນອກຈາກການສະແດງສັນຈອນນາງງາມເທິງລົດຄວາຍ, ການວາງສະແດງສິນຄ້າທີ່ມີເອກະລັກພິເສດ, ການແຂ່ງຂັນກິລາພື້ນເມືອງແລະອື່ນໆ, ຍັງໄດ້ຕື່ມປັດໄຈວັດທະນະທຳຂອງລາວ, ໄທ, ຫວຽດນາມແລະປະເທດອາຊີຕາເວັນອອກສຽງໃຕ້ອື່ນໆ, ເພື່ອດຶງດູດນັກທ່ອງທ່ຽວເຂົ້າຮ່ວມ.