ສະຖານກົງສຸນໃຫຍ່ຈີນປະຈຳໂອຊາຄາປະເທດຍີ່ປຸ່ນໃຫ້ຮູ້ວ່າ: ມາຮອດເວລາ 12 ໂມງ 30 ນາທີຂອງວັນທີ 6 ຕຸລານີ້, ວຽກງານຊອກຄົ້ນຫາແລະຊ່ວຍເຫຼືອລູກເຮືອທີ່ຫາຍສາບສູນຈາກເຫດເຮືອປະມົງ "ຫຼູໂຢງຢວນຢູ" 378 ຂອງຈີນຫຼົ້ມໄດ້ຮັບຄວາມຄືບໜ້າ ເຮືອລາດຕະເວນຂອງຍີ່ປຸ່ນໄດ້ພົບສົບຂອງຜູ້ເສຍຊີວິດ 5 ຄົນຢູ່ໃນເຮືອດັ່ງກ່າວ.
ປັດຈຸບັນ, ຜູ້ເສຍຊີວິດທັງ 5 ຄົນທີ່ພົບໃນທະເລໄດ້ສົ່ງມອບໃຫ້ເຮືອປະມົງສັນຊາດຈີນແລ້ວເພື່ອໃຫ້ເຈົ້າໜ້າທີ່ສັນລະສູດໃນຂັ້ນຕໍ່ໄປ. ຝ່າຍຍີ່ປຸ່ນຍັງຈະສືບຕໍ່ຊອກຫາແລະຊ່ວຍເຫຼືອລູກເຮືອທີ່ຫາຍສາບສູນ.
ໃນຂ້ອນແຈ້ງວັນທີ 5 ຕຸລານີ້, ເຮືອປະມົງ"ຫຼູໂຢງຢວນຢູ" 378 ຂອງຈີນໄດ້ເກີດອຸບັດເຫດຫຼົ້ມຢູ່ເຂດທະເລສາກົນໄປທາງທິດເໜືອເກາະໂອກີໂນຊີມະແຂວງຊີມະເນະຂອງຍີ່ປຸ່ນປະມານ 400 ກິໂລແມັດຫຼັງຈາກໄດ້ຕຳກັບກຳປັ່ນຂົນສົ່ງນ້ຳມັນຮົງກົງຈີນ, ໃນລູກເຮືອຈຳນວນ 16 ຄົນໃນເຮືອປະມົງເກີດເຫດມີ 4 ຄົນໄດ້ຮັບການຊ່ວຍເຫຼືອຈາກເຮືອປະມົງສັນຊາດຈີນຢູ່ບໍລິເວນໃກ້ຈຸດເກີດເຫດ ອີກ 12 ຄົນຫາຍສາບສູນ. ຍີ່ປຸ່ນໄດ້ສົ່ງເຮືອລາດຕະເວນ 3 ລຳໄປຊ່ວຍເຫຼືອຢູ່ເຂດທະເລເກີດເຫດ ແລະໄດ້ສ້າງສູນຮັບມືສຸກເສີນຢູ່ພະແນກປ້ອງກັນຄວາມສະຫງົບທາງທະເລຂອງເຂດຄຸ້ມຄອງທີ 8 ຂອງປະເທດຕົນ.