ງານວາງສະແດງວິຈິດຕະກຳຂະໜາດໃຫຍ່ ຊາວຈີນທີ່ງາມທີ່ສຸດເພື່ອສະເຫຼີມສະຫຼອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນໄຂຂຶ້ນຢ່າງມີໄຊ ເຊິ່ງມີຄະນະໂຄສະນາອົບຮົບສູນກາງພັກເປັນຜູ້ຊີ້ນຳ ແລະ ສະຫະພັນວົງການວັນນະຄະດີສິລະປະຈີນ, ສະມາຄົມວິຈິດສິນຈີນ ແລະ ຫໍພິພິທະພັນແຫ່ງຊາດຈີນ ຮ່ວມເປັນເຈົ້າພາບ ໄດ້ຈັດຂຶ້ນຢູ່ຫໍພິພິທະພັນແຫ່ງຊາດຈີນໃນວັນທີ 10 ຕຸລານີ້ທີ່ນະຄອນຫຼວງປັກກິ່ງ.
ຂ່າວລາຍງານວ່າ: ງານວາງສະແດງຄັ້ງນີ້ໄດ້ເຊື້ອເຊີນຈິດຕະກອນທີ່ມີຊື່ສຽງ 43 ທ່ານຈາກທົ່ວປະເທດ ເພື່ອແຕ້ມຮູບ 21 ຮູບ ໂດຍສົ່ງເສີມຈິດໃຈແຫ່ງ "ບຸກຄົນທີ່ເປັນແບບຢ່າງສຳຄັນແຫ່ງຍຸກສະໄໝ" ທີ່ຄະນະໂຄສະນາອົບຮົມສູນກາງພັກໄດ້ເຜີຍແຜ່ໂຄສະນາ ນັບແຕ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກເປັນຕົ້ນມາ.
ຜູ້ເຂົ້າຮ່ວມງານຄັ້ງນີ້ເຫັນວ່າ, ຜ່ານການຊົມງານວາງສະແດງດັ່ງກ່າວ ກໍໄດ້ເຫັນບຸກຄົນທີ່ຖືກຂະໜານນາມເປັນ "ຊາວຈີນທີ່ງາມທີ່ສຸດ" ຈາກຂະແໜງການຕ່າງໆ ເຊິ່ງເປັນການກະຕຸກຊຸກຍູ້ໃຫ້ຕົນເອງຕ້ອງຈິດສຳນຶກທີ່ດີວ່າຄວນດຳລົງຊີວິດແບບໃດເພື່ອເຮັດໃຫ້ຕົນເອງມີຄຸນຄ່າສູງຍິ່ງຂຶ້ນ ແລະ ປະກອບສ່ວນຕໍ່ສັງຄົມ.
