amxw
|
ສູນຂ່າວກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນ ທີ່ຕັ້ງຢູ່ໂຮງແຮມເມເດຍ ນະຄອນຫຼວງປັກກິ່ງ ໄດ້ເລີ່ມເປີດບໍລິການຕໍ່ພາຍນອກຢ່າງເປັນທາງການແຕ່ວັນທີ 11 ຕຸລານີ້ເປັນຕົ້ນໄປ ໂດຍໄດ້ອອກບັດໃຫ້ນັກຂ່າວພາຍໃນແລະຕ່າງປະເທດ ພ້ອມທັງຮັບຊ່ວຍການຮ້ອງຂໍສຳພາດຂ່າວ, ຈັດສັນການເຂົ້າຮ່ວມສຳພາດຂ່າວຂອງກອງປະຊຸມ ແລະອື່ນໆ.
ເມື່ອທຽບກັບກອງປະຊຸມທຸກຄັ້ງຜ່ານມາແລ້ວເຫັນວ່າ, ສູນຂ່າວດັ່ງກ່າວໄດ້ມີການປັບປຸງຫຼາຍດ້ານໃນການເປີດບໍລິການຕໍ່ພາຍນອກ ເຊັ່ນ: ໜຶ່ງ, ເພີ່ມບ່ອນປະຈຳການໃຫ້ນັກຂ່າວ ຄື ເພີ່ມຈາກ 46 ບ່ອນເປັນ 170 ບ່ອນ. ສອງ, ມີຄວາມຮັບປະກັນດ້ານຂໍ້ມູນຂ່າວສານສູງຂຶ້ນ, ເພີ່ມເຂດສື່ມວນຊົນຈາກ 2 ເຂດເປັນ 4 ເຂດ; ຂະໜາດເຄືອຂ່າຍຄວາມຖີ່ອິນເຕີເນັດ ເພີ່ມຈາກ 100 G ເປັນ 1000 G ; ການເຊື່ອມຕໍ່ອິນເຕີເນັດເພີ່ມຈາກ 36 ຊ່ອງຂຶ້ນເປັນ 218 ຊ່ອງ; ເຂດເຮັດວຽກ ແລະ ຫ້ອງຖະແຫຼງຂ່າວ ລ້ວນແຕ່ນຳໃຊ້ສັນຍານ WIFI ໂດຍບໍ່ເກັບຄ່າ; ຄວາມໄວຂອງອິນເຕີເນັດເພີ່ມຈາກ 4 G ຂຶ້ນເປັນ 20 G. ສາມ, ໄດ້ສ້າງລະບົບກວດກາການລົງທະບຽນສະເໜີຊື່ ແລະ ລະບົບກວດກາຄຳຮ້ອງຂໍສຳພາດຜູ້ແທນກອງປະຊຸມ ຂອງນັກຂ່າວຕ່າງປະເທດ. ສີ່, ສະໜອງການບໍລິການຫ້ອງສຳພາດຂ່າວສຳລັບສື່ຕ່າງໆ (Convergence Media) ເພື່ອຕອບສະໜອງການລາຍງານຂ່າວຂອງສື່ຕ່າງໆໃຫ້ວ່ອງໄວ ແລະ ຫ້າ, ສະໜອງການບໍລິການແລກປ່ຽນຂໍ້ມູນຂ່າວສານແບບເຄື່ອນທີ່ ໂດຍນັກຂ່າວສາມາດສອບຖາມ ແລະ ຮັບຮູ້ເນື້ອໃນແລະມາດຕະການຂອງສູນຂ່າວດັ່ງກ່າວ ໂດຍຜ່ານວີເຊັດສູນຂ່າວຂອງກອງປະຊຸມ.