ຂະບວນລົດຄາຣາວານ "ວັດທະນະທຳແມ່ນ້ຳລ້ານຊ້າງ-ແມ່ນ້ຳຂອງ" ຄັ້ງທຳອິດ ເພື່ອຊຸກຍູ້ການແລກປ່ຽນວັດທະນະທຳລະຫວ່າງຈີນແລະປະເທດອາຊີຕາເວັນອອກສຽງໃຕ້ ໄດ້ເລີ່ມເດີນທາງອອກຈາກແຂວງຊຽງຣາຍ ພາກເໜືອປະເທດໄທແລ້ວໃນວັນທີ 11 ຕຸລານີ້.
ເຈົ້າພາບຈັດກິດຈະກຳແຈ້ງໃຫ້ຮູ້ວ່າ: ຂະບວນລົດຄາຣາວານດັ່ງກ່າວ ຈະຢ້ຽມຢາມຫຼາຍແຂວງພາກເໜືອ ແລະ ພາກຕາເວັນອອກສຽງເໜືອປະເທດໄທ ທັງຈະຈັດພິທີຕ້ອນຮັບຢູ່ນະຄອນຫຼວງບາງກອກໃນວັນທີ 16 ຕຸລານີ້, ຈາກນັ້ນກໍຈະເດີນທາງມຸ່ງໜ້າສູ່ນະຄອນຫຼວງພະນົມເປັນ ປະເທດກຳປູເຈຍ ແລະ ນະຄອນຫຼວງວຽງຈັນ ປະເທດລາວ.
