ຕາມຂ່າວCRI: ກອງປະຊຸມຫົວຂໍ້ຕົ້ນຕໍການຄ້າເອເລັກໂຕຣນິກຊົນນະບົດຈີນຄັ້ງທີ 2 ທີ່ຈັດຂຶ້ນຢູ່ເມືອງລີ້ສຸຍແຂວງເຈີ້ຈ່ຽງຈີນໃນວັນທີ 12 ຕຸລານີ້ໄດ້ເຜີຍແຜ່ "ບົດລາຍງານການພັດທະນາການຄ້າເອເລັກໂຕຣນິກຊົນນະບົດຈີນ(2016-2017)". ໂດຍສະແດງໃຫ້ເຫັນວ່າ: ການຈຳໜ່າຍຍ່ອຍສິນຄ້າທາງອິນເຕີເນັດຢູ່ຊົນນະບົດຂອງຈີນໃນປີ 2016 ໄດ້ມີມູນຄ່າເຖິງ 894 ຕື້ 540 ລ້ານຢວນ, ຮ້ານອິນເຕີເນັດຢູ່ຊົນນະບົດໄດ້ຊຸກຍູ້ການປະກອບອາຊີບຂອງປະຊາຊົນຈຳນວນຫຼາຍກວ່າ 20 ລ້ານຄົນ, ຮ້ານເອເລັກໂຕຣນິກຢູ່ຊົນນະບົດພວມເສີມຂະຫຍາຍບົດບາດທີ່ນັບມື້ນັບສຳຄັນໃນການພັດທະນາເສດຖະກິດສັງຄົມ.
ຜູ້ຮັບຜິດຊອບສູນການຄ້າເອເລັກໂຕຣນິກສາກົນຈີນໃຫ້ຮູ້ວ່າ: ໃນຊຸມປີຜ່ານມາ, ການຈຳໜ່າຍຍ່ອຍສິນຄ້າທາງອິນເຕີເນັດຢູ່ຊົນນະບົດຂອງຈີນໄດ້ພັດທະນາຢ່າງວ່ອງໄວແລະຕໍ່ເນື່ອງ, ເມືອງແບບຢ່າງສັງລວມການຄ້າເອເລັກໂຕຣນິກເຂົ້າສູ່ຊົນນະບົດໄດ້ກາຍເປັນເມືອງນຳໜ້າການພັດທະນາການຄ້າເອເລັກໂຕຣນິກຂອງຊົນນະບົດ, ການຫຼຸດຜ່ອນຄວາມທຸກຍາກໂດຍຜ່ານການຄ້າເອເລັກໂຕຣນິກກໍ່ມີປະສິດທິຜົນຢ່າງຈະແຈ້ງ.
 |
