ວັນທີ 13 ຕຸລານີ້, ກະຊວງການຕ່າງປະເທດຈີນ, ກະຊວງການຄ້າຈີນແລະອົງການຜູ່ຊ່ຽວຊານຕ່າງປະເທດແຫ່ງຊາດຈີນໄດ້ເຊີນທູຕານຸທູດປະເທດຕ່າງໆປະຈຳຈີນ, ບຸກຄົນວົງການວິສາຫະກິດແລະຜູ່ຊ່ຽວຊານຕ່າງປະເທດທີ່ເຮັດວຽກຢູ່ຈີນເດີນທາງໄປຫໍວາງສະແດງປັກກິ່ງເພື່ອຊົມງານວາງສະແດງຜົນສຳເລັດຂະໜາດໃຫຍ່ " 5 ປີທີ່ບຸກໜ້າບືນຕົວ". ງານວາງສະແດງຄັ້ງນີ້ແບ່ງເປັນ 10 ເຂດວາງສະແດງຫົວຂໍ້ຫຼັກແລະ1 ເຂດສຳຜັດພິເສດ, ໄດ້ແນະນຳຜົນສຳເລັດໃໝ່ແຫ່ງການສ້າງສາພັດທະນາເສດຖະກິດ-ສັງຄົມຈີນຢ່າງຮອບດ້ານ, ທິດສະດີໃໝ່ຂອງພັກກອມມູນິດຈີນໃນການປົກຄອງປະເທດແລະການປ່ຽນແປງໃໝ່ຂອງການຜະລິດແລະຊີວິດການເປັນຢູ່ຂອງປະຊາຊົນ.
ທ່ານອາເມີ ກາວ ໂອ ຜູ້ສ້າງຕັ້ງກຸ່ມອີນຟີນີຕີ ເຊິງເປັນວິສາຫະກິດລົງທຶນທີ່ມີຊື່ສຽງຂອງອິສຣາແອນກ່າວວ່າ,ໃນ 5 ປີທີ່ຜ່ານມາ, ເສດຖະກິດຈີນໄດ້ພັດທະນາຢ່າງໝັ້ນທ່ຽງແລະວ່ອງໄວ, GDP ຂອງຈີນເພີ່ມຂຶ້ນຢ່າງວ່ອງໄວແລະລະດັບຊີວິດການເປັນຢູ່ຂອງປະຊາຊົນຈີນກໍດີຂຶ້ນຢ່າງໃຫຍ່ຫຼວງ, 5 ປີທີ່ຜ່ານມາແມ່ນ 5 ປີທີ່ມີຜົນສຳເລັດຫຼາຍທີ່ສຸດ. ຈີນໄດ້ສະເໜີ ຂໍ້ລິເລີ່ມ " ໜຶ່ງແລວທາງໜຶ່ງເສັ້ນທາງ" , ປະເທດອ້ອມແອ້ມມີຄວາມຫ້າວຫັນທີ່ເຂົ້າຮ່ວມ ເຊິ່ງສາມາດຊ່ອຍຈີນເສີມຂະຫຍາຍບົດບາດນຳພາໃນດ້ານໂລກາວິວັດ, ແລະນຳພາບັນດາປະເທດພັດທະນາຢ່າງສົມດຸນ.
ທ່ານແດວິດ ອາບເຊຍອູຣີ ເອກອັດຄະລັດຖະທູດຊັອກຊີປະຈຳກ່າວວ່າ, ຈີນໄດ້ເດີນແລ່ນຕາມເສັ້ນທາງທີ່ພັດທະນາໂດຍສັນຕິແຕ່ຕົ້ນຕະຫຼອດປາຍ. ແລະຄຽງຄູກັບກຳລັງສັງລວມຂອງຈີນຍົກສູງຂຶ້ນໃນຫຼາຍປີມໍ່ໆມານີ້, ຈີນໄດ້ສະແດງໃຫ້ເຫັນເຖິງໜ້າທີ່ຮັບຜິດຊອບໃນຖານເປັນປະເທດໃຫຍ່ໃນຂະບວນການປົກຄອງທົ່ວໂລກ, ຂະນະດຽວກັນ, ໂດຍຜະເຊີນໜ້າກັບວິກິດການເສດຖະກິດທົ່ວໂລກ, ຈີນໄດ້ອຸທິດສະຕິປັນຍາແລະແຜນການຂອງຕົນ, ຊຸກຍູ້ບັນດາປະເທດຮັບມືກັບວິກິດການພ້ອມກັນແລະໄດ້ຮັບຜົນສຳເລັດຮ່ວມ.
