ວັນທີ 13 ຕຸລານີ້ ທ່ານໂດນັນ ທຣຳປະທານາທິບໍດີອາເມລິກາໄດ້ກ່າວປາໄສຢູ່ທຳນຽບຂາວເພື່ອປະກາດຍຸດທະສາດໃໝ່ສຸດຂອງອາເມລິກາຕໍ່ອີຣານ. ທ່ານໄດ້ຕິຕຽນອີຣານບໍ່ປະຕິບັດຕາມຈິດໃຈຂອງສັນຍານິວເຄຼຍອີຣານແລະໄດ້ລະເມີດສັນຍາໃນຫຼາຍດ້ານ, ສະນັ້ນ, ທ່ານຈະບໍ່ຢືນຢັນວ່າອີຣານປະຕິບັດຕາມຄຳໝັ້ນສັນຍາຂອງສັນຍານິວເຄຼຍອີຣານໃຫ້ລັດຖະສະພາ. ໃນຂະນະດຽວກັນ, ທ່ານກ່າວວ່າ, ຖ້າລັດຖະບານບໍ່ສາມາດກ້າວເຖິງຂັ້ນຕົກລົງແຜນການແກ້ໄຂສະບັບໃໝ່ກັບລັດຖະສະພາແລະພັນທະມິດຂອງອາເມລິກາ, ປະເທດຕົນກໍ່ກຽມພ້ອມແລ້ວທີ່ຈະຖອນອອກຈາກສັນຍານິວເຄຼຍອີຣານ.
ອີງຕາມການກຳນົດກ່ຽວຂ້ອງ, ຂະແໜງການບໍລິຫານອາເມລິກາຕ້ອງສະເໜີບົດລາຍງານໃຫ້ລັດຖະສະພາໃນແຕ່ລະ 90 ມື້ໂດຍປະເມີນວ່າອີຣານໄດ້ປະຕິບັດຕາມຄຳໝັ້ນສັນຍາຂອງສັນຍານິວເຄຼຍອີຣານຫຼືບໍ່.