ໃນ 5 ປີມານີ້, ຄຽງຄູ່ກັບເສດຖະກິດຈີນພັດທະນາຢ່າງໜັກແໜ້ນເທື່ອລະກ້າວ ແລະ ກຳລັງແຂ່ງຂັນຂອງຜະລິດຕະພັນຈີນຍົກສູງຂຶ້ນຢ່າງວ່ອງໄວ, ຕະຫຼາດຈີນນັບມື້ນັບດຶງດູດສາຍຕານັກທຸລະກິດຊາວຈີນຢູ່ຕ່າງປະເທດ, ພວກເຂົາເຈົ້ານຳໃຊ້ທ່າແຮງພິເສດຕ່າງໆຢ່າງເຕັມທີ່, ປ່ຽນຈຸດໜັກພັດທະນາທຸລະກິດໄປສູ່ຈີນຢ່າງບໍ່ຢຸດຢັ້ງ.
ທ່ານນາງວາງເວີນ ຮອງຫົວໜ້າສະມາຄົມນັກທຸລະກິດຊາວຈີນຢູ່ຮານເບີກແຫ່ງເຢຍລະມັນ ທັງເປັນຫົວໜ້າສະມາຄົມຊຸກຍູ້ 'ໜຶ່ງແລວທາງໜຶ່ງເສັ້ນທາງ' ເອີລົບ-ຈີນກ່າວວ່າ, ໃນ 5 ປີມານີ້, ນັກທຸລະກິດຊາວຈີນຢູ່ເຢຍລະມັນນັບມື້ນັບຫຼາຍຂຶ້ນໄດ້ເຮັດໃຫ້ທຸລະກິດຂອງຕົນເຊື່ອມຕໍ່ກັບຈີນຢ່າງແໜ້ນແຟ້ນແລ້ວ. ເມື່ອເວົ້າເຖິງກອງປະຊຸມໃຫຍ່ຜູ້ແທນພັກກອມມູນິດຈີນຄັ້ງທີ 19 ທີ່ຈະໄຂຂຶ້ນໃນໄວໆນີ້, ນາງວາງເວີນມີຄວາມໝັ້ນໃຈຫຼາຍທີ່ສຸດ. ນາງກ່າວວ່າ,ໃນ 5 ປີນັບແຕ່ກອງປະຊຸມໃຫຍ່ຜູ້ແທນພັກກອມມູນິດຈີນຄັ້ງທີ 18 ມານີ້, ຈີນໄດ້ຮັບການປ່ຽນແປງຫຼາຍສົມຄວນ. ນາງຫວັງໃຫ້ກອງປະຊຸມໃຫຍ່ຜູ້ແທນພັກກອມມູນິດຈີນຄັ້ງທີ 19 ສາມາດຈັດຂຶ້ນຢ່າງສະດວກ,ກໍ່ຫວັງໃຫ້ອຸດສາຫະກຳການຜະລິດຂອງຈີນສາມາດພັດທະນາຢ່າງຟົດຟື້ນ, ຍົກເຕັກນິກ ແລະ ສະຕິປັນຍາໃຫ້ສູງຂຶ້ນຢ່າງຫຼວງຫຼາຍ. ນັກທຸລະກິດຊາວຈີນຢູ່ປະເທດຕ່າງໆກ່ຽວກັບ 'ໜຶ່ງແລວທາງໜຶ່ງເສັ້ນທາງ' ຮູ້ວ່າ, ຫຼັງຈາກກອງປະຊຸມໃຫຍ່ຜູ້ແທນພັກກອມມູນິດຈີນຄັ້ງທີ 19, ຈີນຈະມີໂອກາດທຸລະກິດຫຼາຍກວ່າເກົ່າ, ໂອກາດໃຫຍ່ແນວນີ້ກໍ່ຍ່ອມຈະຊຸກຍູ້ໃຫ້ເສດຖະກິດຈີນ ແລະ ປະເທດກ່ຽວກັບ 'ໜຶ່ງແລວທາງໜຶ່ງເສັ້ນທາງ' ມີຄວາມໝັ້ນທ່ຽງ, ການຮ່ວມມື ແລະ ການພັດທະນາກ້າວເຂົ້າສູ່ລະດັບໃໝ່ທີ່ມີລັກສະນະປະຫວັດສາດ.
ທ່ານໂຈ່ວເຮີ່ງຣຸ້ຍ ນັກທຸລະກິດຊາວຈີນມີຊື່ສຽງຂອງອາເມລິກາບອກໃຫ້ນັກຂ່າວ CRI ວ່າ, ໃນຫຼາຍປີມໍ່ໆມານີ້, ບໍລິສັດຂອງຕົນໄດ້ຮັບຜົນງານດີໃນດ້ານເຕັກໂນໂລຊີ, ສະນັ້ນ, ເຫັນຕົນຈຶ່ງມີຄວາມເຫັນໄປໃນແງ່ດີຕໍ່ອະນາຄົດການພັດທະນາຂອງຈີນຫຼາຍ, ຫຼັງຈາກກອງປະຊຸມໃຫຍ່ຜູ້ແທນພັກກອມມູນິດຈີນຄັ້ງທີ 19, ຈະພັດທະນາໂຄງການລະຫວ່າງຈີນ ກັບ ອາເມລິກາຫຼາຍກວ່າເກົ່າ. ທ່ານກ່າວວ່າ, ຫຼາຍປີມານີ້ ທີ່ຈິງແລ້ວ, ການປະດິດສ້າງ ແລະ ການປະຕິຮູບໃນອຸດສາຫະກຳຈະເລີນໃໝ່ ແລະ ອຸດສາຫະກຳ IT ຂອງຈີນໄດ້ພັດທະນາໄວກວ່າຫຼາຍປະເທດ. ທ່ານເຫັນວ່າ, ຫຼັງຈາກກອງປະຊຸມໃຫຍ່ຜູ້ແທນພັກກອມມູນິດຈີນຄັ້ງທີ 19, ຈະມີໂອກາດທຸລະກິດຢ່າງຫຼວງຫຼາຍສຳລັບນັກທຸລະກິດຊາວຈີນຢູ່ຕ່າງປະເທດ, ນີ້ກໍ່ແມ່ນສຽງໃນໃຈຂອງນັກທຸລະກິດຊາວຈີນຢູ່ຕ່າງປະເທດຢ່າງຫຼວງຫຼາຍ.
