ນັບແຕ່ໄຂກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 18 ເປັນຕົ້ນມາ, ການບຳບັດຄວາມທຸກຍາກກໍ່ແມ່ນວຽກງານທີ່ສຳຄັນທີ່ສຸດໃນການສ້າງສາພັດທະນາປະເທດຈີນ, ໃນ 5 ປີທີ່ຜ່ານມາ, ການບຳບັດຄວາມທຸກຍາກກາຍເປັນການສູ້ຮົບທີ່ນັບເວລາເປັນວິນາທີ, ອັນໄດ້ຊອກຮູ້ສະພາບການຄວາມທຸກຍາກຂອງທົ່ວປະເທດຢ່າງຈະແຈ້ງເປັນຄັ້ງທຳອິດ, ເຮັດໃຫ້ນະໂຍບາຍບຳບັດຄວາມທຸກຍາກມີຄວາມລະອຽດແມ່ນຢຳຂຶ້ນ ແລະໄດ້ປົກຫຸ້ມໄປສູ່ປະຊາຊົນຜູ້ທຸກຍາກທັງໝົດ, ເຂດພາກຕາເວັນອອກໃຫ້ການຊ່ວຍເຫຼືອແກ່ເຂດພາກຕາເວັນຕົກ, ເຮັດໃຫ້ການບຳບັດຄວາມທຸກຍາກໃນທົ່ວປະເທດຈີນເປັນເອກະພາບກັນ.
ໃນເວລາ 5 ປີທີ່ຜ່ານມາ, ສະເລ່ຍແລ້ວ ຢູ່ຈີນ ແຕ່ລະ 3 ວິນາທີໃດ ກໍ່ມີຄົນໜຶ່ງກ້າວກ່າຍເສັ້ນທຸກຍາກ ເຊິ່ງຢູ່ໃນເວລາ 1400 ກວ່າວັນ ລວມມີ 55 ລ້ານ 6 ແສນ 4 ໝື່ນຄົນຫຼຸດພົ້ນອອກຈາກຄວາມທຸກຍາກ ທໍ່ກັບຍອດຈຳນວນປະຊາກອນຂອງປະເທດຜ້ານກ້າງປະເທດໜຶ່ງ. ນີ້ຖືເປັນການເຄື່ອນໄຫວຄັ້ງໜຶ່ງທີ່ມີເປົ້າໝາຍຢ່າງຈະແຈ້ງ ແລະມີການປະຕິບັດຢ່າງລະອຽດ. ໃນ 5 ປີມານີ້ ປະຊາຊົນຜູ້ທຸກຍາກຈຳນວນ 80 ກວ່າລ້ານຄົນ ລ້ວນແຕ່ໄດ້ຮັບການຊ່ວຍເຫຼືອໂດຍມີແຜນລະອຽດ. ໃນນັ້ນ, ວິທີທຸລະກິດທີ່ທັນສະໄຫໝທີ່ສຸດກໍ່ໄດ້ຮັບການເຜີຍແຜ່ໄປນຳໃຊ້ຢູ່ເຂດທີ່ຕ້ອງການການພັດທະນາທີ່ສຸດ. ປີກາຍນີ້ ເມືອງທຸກຍາກທັງໝົດຂອງທົ່ວປະເທດຈີນໄດ້ບັນລຸຍອດມູນຄ່າຈຳໜ່າຍທາງອອນໄລຫຼາຍກວ່າ 29 ຕື້ຢວນ, ເພີ່ມຂຶ້ນຫຼາຍກວ່າ 5 ປີກ່ອນເກືອບ 4 ເທົ່າ.
ໃນ 5 ປີມານີ້, ການເງິນສູນກາງ ແລະຂັ້ນແຂວງກໍ່ໄດ້ຈັດໃຫ້ມີງົບປະມານບຳບັດຄວາມທຸກຍາກເປັນສຳເພາະ ແລະເພີ່ມຈຳນວນງົບໃຫ້ຫຼາຍຂຶ້ນທຸກປີ, ປີກາຍນີ້ແມ່ນໄດ້ຫຼາຍກວ່າ 100 ຕື້ຢວນ. ອົງການສູນກາງ ແລະລັດຖະບານຂັ້ນຕ່າງໆ 320 ອົງການ ແລະວິສາຫະກິດເອກະຊົນ 21992 ແຫ່ງໄດ້ສ້າງເປັນຄູ່ຊ່ວຍເຫຼືອກັບບ້ານທຸກຍາກທຸກບ້ານ ເພື່ອໃຫ້ການຊ່ວຍເຫຼືອແບບໜຶ່ງຕໍ່ໜຶ່ງ.
ຮອດປີ 2020 ເມືອງທຸກຍາກ 830 ເມືອງໃນທົ່ວປະເທດຈີນທີ່ມີປະຊາຊົນຜູ້ທຸກຍາກຈຳນວນ 43 ລ້ານ 3 ແສນ 5 ໝື່ນຄົນໃນປັດຈຸບັນຈະຫຼຸດພົ້ນອອກຈາກຄວາມທຸກຍາກ ເຊິ່ງຈະຫຼາຍກວ່າຍອດຈຳນວນປະຊາຊົນທີ່ຫຼຸດພົ້ນອອກຈາກຄວາມທຸກຍາກຂອງບັນດາປະເທດໃນໂລກນີ້ໃນຮອບ 30 ປີທີ່ຜ່ານມາ.
 |
