ນັກວິຊາການຝຣັ່ງຄອງຄອຍສັງຄົມຈີນຈະໄດ້ຮັບຄວາມກ້າວໜ້າທີ່ໃຫຍ່ຫຼວງກວ່າເກົ່າຫຼັງສຳເລັດກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19

ຕາມຂ່າວCRI: ກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ຈະຈັດຂຶ້ນຢູ່ນະຄອນຫຼວງປັກກິ່ງໃນວັນທີ 18 ຕຸລານີ້.

ທ່ານ ປີແອຣ ປິກຄວດ ນັກວິຊາການຝຣັ່ງກ່າວໃນຂະນະທີ່ໃຫ້ສຳພາດຕໍ່ນັກຂ່າວ CRI ໃນຫວ່າງມໍ່ໆນີ້ວ່າ: ນັບແຕ່ກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 18 ເປັນຕົ້ນມາ, ພາຍໃຕ້ການນຳພາຂອງສູນກາງພັກກອມມູນິດຈີນທີ່ມີທ່ານສີຈິ້ນຜິງເປັນແກນນຳ, ຈີນໄດ້ສຸມທຸກກຳລັງພັດທະນາປະເທດຕົນແລະກ້າວໄປໜ້າຢ່າງບໍ່ຢຸດຢັ້ງ, ເຊິ່ງໄດ້ຮັບຜົນສຳເລັດທີ່ປະຈັກສາຍຕາຕໍ່ຊາວໂລກໃນຂົງເຂດຕ່າງໆເຊັ່ນ: ຂົງເຂດເສດຖະກິດ,ການເມືອງແລະວັດທະນະທຳເປັນຕົ້ນ. ກອງປະຊຸມຄັ້ງນີ້ຈະກຳນົດນະໂຍບາຍພາຍໃນແລະການຕ່າງປະເທດຂອງຈີນ, ປະຊາຄົມໂລກມີຄວາມຍິນດີນຳເປັນຢ່າງດີ. ທ່ານກ່າວວ່າ: ທ່ານຄອງຄອຍສັງຄົມຈີນຈະໄດ້ຮັບຄວາມກ້າວໜ້າທີ່ໃຫຍ່ຫຼວງກວ່າເກົ່າຫຼັງສຳເລັດກອງປະຊຸມ.

ທ່ານ ດຣ. ປີແອຣ ປິກຄວດ ກ່າວວ່າ: ທ່ານຄອງຄອຍຈີນສືບຕໍ່ຮັກສາການປະຕິຮູບດ້ານເສດຖະກິດແລະສັງຄົມ,ຕ້ານການສໍ້ລາດບັງຫຼວງ,ສືບຕໍ່ສຸມໃສ່ການພັດທະນາແບບຍືນຍົງແລະສີຂຽວ, ສືບຕໍ່ເພີ່ມທະວີການໄຂປະຕູສູ່ພາຍນອກໃນຂອບຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ". ແລະການພົວພັນຮ່ວມມືແບບຕ່າງຝ່າຍຕ່າງມີຜົນປະໂຫຍດກັບບັນດາປະເທດໃນໂລກຈະໄດ້ຮັບການພັດທະນາຕື່ມອີກໃນອານາຄົດ.