ວັນທີ 16 ຕຸລານີ້, ທ່ານໂດກູ ເປຣິນເຊັກ ນັກການເມືອງທີ່ມີຊື່ສຽງ, ປະທານພັກຮັກຊາດຂອງຕວກກີໄດ້ໃຫ້ສຳພາດຕໍ່ນັກຂ່າວCRIໂດຍຊີ້ໃຫ້ເຫັນວ່າ ກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ທີ່ຈະໄຂຂຶ້ນໃນໄວໆນີ້ມີຄວາມໝາຍສຳຄັນທາງປະຫວັດສາດຕໍ່ການພັດທະນາຂອງຈີນ ເຊິ່ງເຫັນໄດ້ຈາກກອງປະຊຸມຄັ້ງນີ້ຈະມີມາດຕະການໃໝ່ຕ່າງໆທີ່ສຳຄັນເປັນຕົ້ນ ການຕ້ານການສໍ້ລາດບັງຫຼວງແລະອື່ນໆ ເພື່ອຊຸກຍູ້ການກໍ່ສ້າງສັງຄົມນິຍົມຕື່ມອີກແລະເຮັດໃຫ້ປະເທດຈີນຮັ່ງມີເຂັ້ມແຂງແລະຈະເລີນຮຸ່ງເຮືອງຫຼາຍຂຶ້ນກວ່າເກົ່າ.
ຂະນະດຽວກັນ, ທ່ານເປຣິນເຊັກກໍຊີ້ໃຫ້ເຫັນວ່າ: ຈາກການນຳພາຂອງພັກກອມມູນິດຈີນ, ປະຊາຊົນຈີນຍາດໄດ້ຜົນສຳເລັດທີ່ປະຈັກຕາຕໍ່ຊາວໂລກ. ຈີນໄດ້ປະກອບສ່ວນເຂົ້າໃນການຂະຫຍາຍຕົວຂອງເສດຖະກິດໂລກຫຼາຍກວ່າ 30% ແລະເປັນກຳລັງແຮງອັນດັບໜຶ່ງໃນການຊຸກຍູ້ການພັດທະນາເສດຖະກິດໂລກ. ຈີນເປັນກຳລັງສຳຄັນໃນການຮັກສາສັນຕິພາບຂອງໂລກ, ເປັນປັດໄຈສຳຄັນໃນການຕໍ່ຕ້ານຄວາມສ່ຽງແລະໄພຂົ່ມຂູ່ຂອງມວນມະນຸດ, ດັ່ງນັ້ນຈິ່ງເວົ້າໄດ້ວ່າ ກອງປະຊຸມໃຫຍ່ຄັ້ງທີ 19 ຂອງພັກກອມມູນິດຈີນບໍ່ພຽງແຕ່ກ່ຽວພັນກັບການພັດທະນາຂອງຈີນເທົ່ານັ້ນ, ມັນຍັງມີຄວາມໝາຍສຳຄັນຕໍ່ການພັດທະນາຂອງທົ່ວໂລກອີກດ້ວຍ.