ກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ຈະໄຂຂຶ້ນໃນວັນທີ 18 ຕຸລານີ້ຢູ່ນະຄອນຫຼວງປັກກິ່ງ

ກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ຈະໄຂຂຶ້ນໃນເວລາ 9 ໂມງຂອງວັນທີ 18 ຕຸລານີ້ຢູ່ຫໍສະພາປະຊາຊົນແຫ່ງຊາດນະຄອນຫຼວງປັກກິ່ງ.

ເມື່ອຮອດເວລານັ້ນ, ຈະມີສື່ມວນຊົນຫຼາຍພາກສ່ວນຖ່າຍທອດສົດພິທີເປີດກອງປະຊຸມ ເຊັ່ນ: ສຽງຈີນ, ສຽງເສດຖະກິດ, ສຽງຈົ່ງຮວາ ແລະສຽງຮວາເສ້ຍຂອງສະຖານີວິທະຍຸກະຈາຍສຽງປະຊາຊົນສູນກາງຈີນ, ຊ່ອງລວມ, ຊ່ອງສາກົນພາສາຈີນ ແລະຊ່ອງຂ່າວຂອງສະຖານີໂທລະພາບສູນກາງຈີນ, ຊ່ອງພາສາຕ່າງປະເທດຕ່າງໆຂອງສະຖານີໂທລະພາບສາກົນແຫ່ງຊາດຈີນ, ສະຖານີວິທະຍຸສາກົນແຫ່ງປະເທດຈີນຈະຖ່າຍທອດສົດ ແລະລາຍງານຂ່າວຢູ່ທີ່ປະຊຸມດ້ວຍພາສາຈີນ, ພາສາອັງກິດ ແລະພາສາຣັດເຊຍ, ນອກນີ້ ຍັງມີເວັບໄຊປະຊາຊົນ, ເວັບໄຊຊິນຮວາ, ສະຖານີໂທລະພາບເຄືອຂ່າຍຈີນ, ເວັບໄຊຈີນ, ພ້ອມດ້ວຍAPPຂອງໜັງສືພິມລາຍວັນປະຊາຊົນຈີນ, ສຳນັກຂ່າວຊິນຮວາ ແລະສະຖານີໂທລະພາບສູນກາງຈີນກໍ່ຈະລາຍງານຂ່າວດ່ວນເຊັ່ນດຽວກັນ.

ນອກຈາກນີ້, ສະຖານີໂທລະພາບ ກໍຄືວິທະຍຸກະຈາຍສຽງແຂວງຕ່າງໆທົ່ວປະເທດຈີນກໍຈະຖ່າຍຖອດລາຍການກອງປະຊຸມໃຫຍ່ນີ້ຈາກສະຖານີໂທລະພາບສູນກາງຈີນ ແລະສະຖານີວິທະຍຸກະຈາຍສຽງປະຊາຊົນສູນກາງງຈີນໃນເວລາດຽວກັນ.