ວັນທີ 17 ຕຸລານີ້, ສະພາປະຊາຊົນຕວກກີໄດ້ຜ່ານມະຕິສະບັບໜຶ່ງ, ຕົກລົງຈະແກ່ຍາວເວລາພາວະສຸກເສີນທີ່ປະຕິບັດໃນປັດຈຸບັນອີກ 3 ເດືອນຈາກວັນທີ 19 ຕຸລານີ້ເປັນຕົ້ນໄປ.
ນີ້ແມ່ນການແກ່ຍາວພາວະສຸກເສີນເທື່ອທີ 5 ຂອງຕວກກີ. ພາຍຫຼັງເກີດການລັດຖະປະຫານທາງການທະຫານທີ່ບໍ່ສຳເລັດໃນເດືອນກໍລະກົດປີ 2016, ລັດຖະບານຕວກກີໄດ້ປະກາດປະຕິບັດພາວະສຸກເສີນແລະແກ່ຍາວຫຼາຍເທື່ອຈົນຮອດປັດຈຸບັນ.
ອີງຕາມຂະບວນການບໍລິຫານປະເທດ, ວັນທີ 16 ຕຸລານີ້, ຄະນະກຳມະການຄວາມໝັ້ນຄົງແຫ່ງຊາດ ແລະຄະນະລັດຖະບານຕວກກີໄດ້ຈັດກອງປະຊຸມແລະຕົກລົງ, ເຫັນດີແກ່ຍາວພາວະສຸກເສີນ, ແລ້ວຄະນະລັດຖະບານສະເໜີຍັດຕິໃຫ້ສະພາປະຊາຊົນ , ຫຼັງຈາກນັ້ນ, ຄະນະກຳມະການຄວາມໝັ້ນຄົງແຫ່ງຊາດໄດ້ອອກຖະແຫຼງການວ່າ, ການປະຕິບັດພາວະສຸກເສີນມີຜົນດີຕໍ່ການຮັບມືຈາກການຂົ່ມຂູ່ທາງຄວາມໝັ້ນຄົງຂອງ " ຂະບວນການກູເລນ ", ທັງເປັນການປົກປັກຮັກສາລະບຽບກົດໝາຍແລະສິດຂອງພົນລະເມືອງອີກດ້ວຍ.
