ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ໄດ້ກ່າວໃນກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ວ່າ: ເມື່ອຮອດກາງສະຕະວັດນີ້, ສາທາລະນະລັດປະຊາຊົນຈີນຈະຄົບຮອບ 100 ປີພໍດີ. ເມື່ອຮອດເວລານັ້ນ, ຈະຕ້ອງສ້າງສາປະເທດຈີນໃຫ້ເປັນປະເທດສັງຄົມນິຍົມທີ່ທັນສະໄໝແລະເຂັ້ມແຂງ ແລະເປັນປະເທດທີ່ຮັ່ງມີ, ປະຊາທິປະໄຕ, ສີວິໄລ, ປອງດອງຊາດ ແລະ ສວຍງາມ ທັງນີ້ກໍເປັນການຈັດວາງທາງຍຸດທະສາດຂອງການພັດທະນາສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ ແລະທົ່ວພັກຈະຕ້ອງກ້າແກ່ນແໜ້ນໜຽວ ແລະ ພະຍາຍາມຢ່າງບໍ່ລົດລະ.
ທ່ານສີຈິ້ນຜິງ ໄດ້ກ່າວລາຍງານຕໍ່ຜູ້ແທນ 2200 ກວ່າທ່ານທີ່ເຂົ້າຮ່ວມກອງປະຊຸມຄັ້ງນີ້ວ່າ: ເມື່ອຮອດເວລານັ້ນ, ອາລະຍະທຳຂອງຈີນທາງວັດຖຸ, ການເມືອງ, ຈິດໃຈ, ສັງຄົມ ແລະ ອາລະຍະທຳທາງຊີວະພາບຈະໄດ້ຮັບການຍົກສູງຂຶ້ນຢ່າງຮອບດ້ານ, ຄວາມສາມາດ ແລະ ລະບົບການປົກຄອງປະເທດຈະບັນລຸແບບທັນສະໄໝ, ກາຍເປັນປະເທດທີ່ກຳລັງສັງລວມແຫ່ງຊາດ ແລະ ບົດບາດໃນສາກົນ ສູງຂຶ້ນຢູ່ແຖວໜ້າຂອງໂລກ ແລະ ບັນລຸເປົ້າໝາຍທີ່ປະຊາຊົນຮັ່ງມີທຸກຖ້ວນໜ້າໂດຍພື້ນຖານ.
