ກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັງທີ 19 ເລີ່ມໄຂຂຶ້ນຢູ່ນະຄອນຫຼວງປັກກິ່ງໃນວັນທີ 18 ຕຸລານີ້ ເຊິ່ງວຽກງານທີ່ສຳຄັນອີກຢ່າງໜຶ່ງກໍຄື ຄົ້ນຄວ້າ, ວາງແຜນແລະຊ່ອງທາງພັດທະນາປະເທດໃນອະນາຄົດ. ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ໄດ້ລາຍງານຕໍ່ຜູ້ແທນທີ່ເຂົ້າຮ່ວມກອງປະຊຸມດັ່ງກ່າວວ່າ: ປະຊາຊົນເປັນເຈົ້າບ້ານຄອງເມືອງແມ່ນຈຸດພິເສດແລະທາດແທ້ການເມືອງປະຊາທິປະໄຕຂອງຈີນ ແລະຈະຕ້ອງຮັບປະກັນດ້ວຍລະບົບລະບອບ.
ທ່ານສີຈິ້ນຜິງ ກ່າວວ່າ: ເພື່ອລົງເລິກການປະຕິບັດຕົວຈິງໃນການປົກຄອງປະເທດດ້ວຍກົດໝາຍ, ພັກກອມມູນິດຈີນ ຈະສ້າງຕັ້ງໜ່ວຍນຳພາການປົກຄອງປະເທດດ້ວຍກົດໝາຍຢ່າງຮອບດ້ານຂັ້ນສູນກາງ; ເພີ່ມທະວີການຕິດຕາມແລະປະຕິບັດລັດຖະທຳມະນູນ, ຊຸກຍູ້ວຽກງານກວດກາທີ່ສອດຄ່ອງກັບລັດຖະທຳມະນູນ; ໃນການລົງເລິກການປະຕິຮູບອົງການຈັດຕັ້ງແລະໂຄງປະກອບການບໍລິຫານນັ້ນ, ຈະມອບສິດໃຫ້ແກ່ອຳນາດການປົກຄອງຂັ້ນແຂວງແລະຕ່ຳກວ່າຂັ້ນແຂວງທຸກລະດັບໃຫ້ຫຼາຍກວ່າເກົ່າ, ຄົ້ນຄວ້າການລວມຕົວອົງການພັກ-ລັດໃນແຂວງ ແລະ ເມືອງຕ່າງໆທີ່ມີພາລະບົດບາດຄ້າຍຄືກັນ ຫຼື ເຮັດວຽກຢູ່ບ່ອນດຽວກັນ.
